رقة دلع
نتمنا انكم تنضموا لاسرتنا واهلا وسهلا بيكم معنا


منتدى رقة دلع منتدى مش هتقدر تغمض عنيك
 
الرئيسيةالبوابةالتسجيلاليوميةمكتبة الصورس .و .جبحـثقائمة الاعضاءالمجموعاتدخول
يآآهٍلآ فٍيّكُمْ منٍورٍين
بكل الترحيب نرحب بكم
من اعضاء وعضوآت
يرجى التكرم بـ المُسآهٍمآت
لجٍعل المنتدى افضل وسيتم تكريم الاعضآء
الاكْثر نشآطآآ ومُسآآهمهـ
وشكرآآ

شاطر | 
 

 روآآيه (( تحدينآآ بمحبتنآآ شطآرتكمـ )) روايه كويتيه واقعيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأحد أغسطس 15, 2010 10:36 pm

السلآم عليكم
شلونكم شخباركم ؟؟؟؟
هذي اول مشآركه طبعااا لي بالمنتدى و حبيت انزل لكم روآآيه و صديقتي اهي دآنه اعرفهاا بمنتدى ثآآني

المهم الاحداث حقيقيه وانشاالله تعجبكم الروآآيه مع البآرتآآت و ابي تفاعلكم عشااان اقدر اكملهآآ


البارت الاول ..
دانه كانت نايمه قامت على صوت موبايلها يرن ....
دانه: (بصوت تعبان ) :الو
دلال : الووو دانو قومي بسج نوم
دانه : دلوول تكفين خليني اكمل نومتي والله تعبانه امس مونايمه عدل
دلال: هاااا شعندج مونايمه عدل ! اعترفي اعترفي
دانه : لووول ..والله كنت سهرانه على البحث لازم اخلصه واقدمه الاحد
دلال: اوكي انزين قومي يلا بسج نوم .. اليوم اليمعه حللي الويكند
دانه : لوووول انزين بقوم والله بقوم بسج حنه
دلال : دانو شرايج تين بيتنا ؟
دانه : امممم اوكي خلاص .. الحين الساعه جم ؟
دلال : الحين الساعه 1
دانه : اوكي خلاص عيل اقوم واسبح وابدل واتغدا على السريع وايلج .. اوكي؟
دلال : لالا لاتتغدين تعالي نتغدا مع بعض
دانه : اوكيك عيل .. يلا باي
دلال: لاتتأخرين .. بايات
قامت دانه غسلت وراحت حق امها عشان تستأذن منها قبل لا تروح عند رفيجتها دلال
دانه: يما يما ..
(حنان) ام دانه : هااا يما شفيج ؟
دانه : يما بروح بيت دلول
(حنان) ام دانه : اوكي ديري بالج ولاتتأخرين
دانه : انشالله ..
خل نتعرف شوي على دانه .. دانه اخر العنقود وكانت مدلله وايد من ناحية امها وابوها بس اكثر شي من ناحية ابوها لان امها شوي شديدة وعصبية , عندها3 اخوان , نوره عمرها29 ومتزوجه من طلال عندها 2 بنت وولد , احمد 26 , عبدالرحمن 24 , وبالاخير دانه عمرها 18 خل نتعرف على شكلها دانه حنطاويه جسمها متناسق شعرها لي جتفها كستنائي عيونها شوي وسيعه شفايفها صغار ملامحها حيل نعومه ...
دانه توها كانت طالعه من الغرفه ولا ادق عليها دلال ..
دلال : الو دانو ماصارت .. يلا وينج حدي يوعانه
دانه : وااي دلوول والله توني توني طالعه من الغرفه يلا كاني الحين بنزل وبس مسافه الطريج واكون عندج
دلال: اوكي ديري بالج ولاطولين ..
دانه : اوكييك يلا مع السلامه
دلال: مع السلامه
نروح عند دلال ونتعرف عليها شويه ..... دلال ودانه يعرفون بعض من ايام الثنويه واهم اكثر من خوات كل اسرارهم عند بعض .. دلال بيضه قصيره شويه شعرها اسود لي نص ظهرها ملامحها حيييل نعومه الي يشوفها يعطيها اصغر من عمرها
وراح نتعرف عليها اكثر مع الاحداث ...
دلال : عبود خلص عطني تلفوني بطلب بسرعه
عبدالله: اذا بتطلبيلي اعطيج ياه
دلال: يالمليق شتبي ماعندي فلوس بس بطلب حقي وحق رفيجتي
عبدالله : ياسلام حق رفيجتج عندج وحق اخوج ماعندج ها ؟
دلال: والله لو عندي جان طلبتلك .. يلا عبيد البنت يايه بالطريج عطني خل اطلب قبل لاتوصل لاتفشلني
عبدالله: امممممم يلا يلا مسامحج هالمره
دلال : لووووول (وجان تاخذ منه الفون) وتقوله :موبكيفك غصبن عليك تسامحني ونحاشت
عبدالله : قعد يضحك على اخته
بعد فتره وصلت دانه عند دلال ...
دخلت سلمت على ام دلال وصعدت تبي تروح عند دلال بغرفتها ..
واهي صاعده ولا تشوف عبدالله توه طالع من غرفته يبي يروح الحمام ( عزكم الله) كان لابس شورت من غير بلوزه وماسك فوطته طاحت عينه بعينها وقعد يطالعها عبدالله مده .. دانه استحت ونزلت راسها ودشت غرفة دلال بسرعه .. عبدالله انحرج وبنفس الوقت مايدري شلي خلاه جذي يطالعها !!
دلال ( اخترعت) : وااااي يمه خرعتيني شفيج اكو احد جذي يدش من غير احم ولا دستور!!!!!
دانه : واااي دلوول مووقتج امبي موووصج شفت اخوج عبدالله طالع من غرفته بس بشورت بدون بلوزه!
دلال: لوول ماتعرفين عبدالله كل جذي
دانه : امبي لابس فشله ماهقيته بيطلع جذي انا تنحت واهو تنح بعد ماتوقع انه احد بيصعد فوق
دلال: لوووووول عادي عادي جنه ماصار شي
دانه : امبي موصج .. وقعدو البنات يتغدون ويسولفون ويضحكون ...
بهالحظه عبدالله تذكر شكل رفيجة اخته دلال ..
عبدالله : ( بينه وبين نفسه ) هههه يحليها استحت شكلها كان يونس شلون انحرجت .. بس مزيونه
خل نتعرف على عبدالله عبدالله عمره 24 مهندس طيران ابيض طويل,, شوي معضل مخفف شعره عيونه عسلية فاتحه شفايفه صغار ومسوي ديرتي .. كانت ملامحه تجذب .. عبدالله كان شايل هموم ومسؤولية البيت على راسه ومومقصر مع خوانه بأي شي بسبب انه ابوه واخوه متوفين بحادث .. فه ماكان مقصر مع خوانه وامه بأي شي كان يحاول قد مايقدر انه يعوض عدم وجود ابوهم وياهم .. عايلتهم مكونه من .. رنا 29 متزوجه خالد وعندها عيال .. ريم 25 متزوجه فهد .. بعدها عبدالله 24 .. دلال 18 .. واخر شي اخوانه لصغار التوم فاطمه وعبدالرحمن 11 .. عبدالله كان يدرس بامريكا هندسه وبالفتره الي كان يدرس فيها حب بنت وياه كانت بالجامعه كانت اجنبيه عاش وياها احلى ايام بحياته كانت بالنسبه له كل شي وقف وياها وساعدها وماخلاها تستسلم بسهوله لكنها بالنهايه توفت بسبة المرض الخبيث الله يكافينا ويكافيكم شره انهار وكره كل شي من بعدها ماكان يفكر بالحب من بعدها لان كانت كل شي بالنسبه له ومو اي وحده راح تقدر تعوضه عنها ..
عقب ما خذا شاور عبدالله بدل وكشخ وطلع ..
نزل بالصاله وكانو قاعدين امه ودلال مع دانه وفطومه قاعده اطالع التلفزيون ..
عبدالله : السلاام
كلهم : وعليكم السلام .. ( عبدالله شاف دانه وابتسم)
دانه طالعته وانحرجت تذكرت الموقف الي صار ونزلت راسها قامت تلعب بموبايلها
ام عبدالله : ها يمه وين رايح؟
عبدالله : والله الديوانيه .. الربع متيمين بروح اشوفهم مادري عنهم من زمان
ام عبدالله : انزين يما دير بالك بالطريج
عبدالله: انشالله .. يلا تامروني على شي ؟
ام عبدالله : سلامتك
عبدالله : الله يسلمج .. مع السلامه .. وطلع من البيت ...
عبدالله عند سيارته ( بي ام كوبيه سوده )
مريم : (بدلع ) قوووه عبدالله شلونك؟
عبدالله: هلا والله الله يقويج .. تمام انتي شلونج؟
مريم : بخير دامك بخير .. من زمان عنك ماتبين ؟
عبدالله: دوم يارب .. بعد تدرين الدوام وتعب ماكو وقت كلش
مريم : الله يعطيك العافيه ..
(مريم كان ودها بعد تسولف مع عبدالله بس عبدالله قاطعها ..)
عبدالله : يلا اخليج الحين خلينا نشوفج عاد
مريم : (استحت) انشالله
عبدالله : مع السلامه .. وركب سيارته
مريم : مع السلامه .. (بقلبها ) حافظك الله ...
مريم بنت خالة عبدالله عمرها 21 توها متخرجه من كلية الحقوق بيضه متروسه شوي شعرها قصير صابغته ثلجي عيونها وساع وشفايفها شوي متروسه كانت مملوحه بس ستايلها جريئ .. من يوم كانو صغار كانو يقولون انه عبدالله حق مريم ومريم حق عبدالله ومن يومها مريم تعلقت بعبدالله وحبته وماكانت ترضا عليه وكانت تغار عليه حيييل بدرجه موطبيعيه لدرجة انه الكل ملاحظ هالشي ..و حيل صريحة يعني اكثر من مره صارحت عبدالله بحبها له .. وادز له مسجات واشعار وهدايا وورد .. طبعا محد يدري انه مريم تحب عبدالله غير عبدالله وخواته بس لان مريم كانت حيييل كلوز مع خواته .. عبدالله ماكان يبادلها الشعور كان عادها بحسبة وحده من خواته لا اكثر ولا اقل.. وانه الكلام الي كانو اهلهم يقولونه انه مريم لعبدالله وعبدالله لمريم مجرد كلام ولايودي ولا ايب وكل شي قسمة ونصيب,, واكثر من مره عبدالله صارحها بمشاعره اتجاها انه معزتها من معزة خواته مو اكثر من جذي .. بس اهي مو راضية تقتنع بهالفكره ..
دشت مريم عليهم ...وسلمت على خالتها ام عبدالله وعلى البنات وقعدت مع البنات بالصالة الثانيه يسولفون
كان بيتهم عباره عن صالتين كبار البنات ( دلال ودانه قاعدين بالصالة الثانيه يسولفون على راحتهم)
وام عبدالله مع فطوم يشوفون التلفزيون ..
مريم : شلونج دانه ؟ وشلون الدراسه وياج؟
دانه : تمام الحمدالله انتي شمسويه؟
مريم : بخير دامج بخير .. ( التلفت مريم على دلال : دلوول توني شفت عبيد امبي يما صاير اينن )
دلال: اي حبيبتي اكيد بيصير حلو دام انا اخته
دانه : تكفون لاتيبون طاري عبدالله !!
مريم : لييش !!!
دلال: لوووول انا اقولج اليوم اول ماصعددت ولاتشوف عبدالله طالع من غرفته بس بشورت بدون بلوزه اهي شافته وتنحت انحرجت ويها صار اشارة مرور حتى دشت الدار علي خرعتني ..
مريم : واخوج شكو يطلع بشورت !!
دلال: وااي شتبين بعد قاعد بالبيت!
مريم : دلول قوليله لايطلع من غرفته بشورت الصراحه اغاار
دانه : ( طلعت علامة استفهام فوق راسها !!) بقلبها: شكو تغار شنو اهي تحبه ؟ بس دلوول ولا مره قالتلي شي !)
دلال : لوووووووووووول (تصفق)عاشت الي تغار
مريم : اي اكلمج من صجي لاتضحكين قوليله
دلال : لوووووول انزين
دانه : (اطالعهم ومو فاهمه شي بس تبتسم)
رن موبايل دانه كانت امها الي متصله
ام دانه (حنان) : الو
دانه: الو هلا يمه
ام دانه ( حنان ) : دوين متى بتردين البيت يلا لي متى قاعده عند الناس شوفي الساعه جم!
دانه : اوكي خلاص يما يلا كاه شوي واطلع
ام دانه ( حنان ) : ديري بالج بالطريج
دانه : انشالله .. يلا يما باي
ام دانه ( حنان): باي
دانه : يلا انا الحين ااستأذن لازم ارد البيت
دلال : لاااا دانو قعدي شوي عفيه
دانه : دلوول شفتي توه امي دقت تقول ردي البيت يلا .. خلاص مره ثانيه ايلج ماشبعتي مني؟ كل يوم اشوفج بالكليه وبين فتره وفتره ايلج وانتي اتيلي البيت
دلال: ( لمت دانه وباستها) وانا اقدر استغنى عنج ؟
دانه : لوول فديتج يلا عيل انشوفج مريم مع السلامه
مريم: مع السلامه
دلال راحت توصل دانه لي السياره
دانه : ( دانه كان عندها فضول تعرف) دلول شسفاله؟ شفيها مريم شنو تغار ولايلبس جذي بالبيت انا مافهمت شسالفه ! شنو اهي تحب عبود؟
دلال: لوووول اي تحبه
دانه : اها .. اوكي عيل يلا بااااي
دلال: بايات
وصلت دانه البيت واول مادشت لقت امها وابوها قاعدين بالصاله ..
دانه : السلام
امها وابوها : وعليكم السلام
ابو دانه : هلا هلا ببنيتي وينج اليوم ماشفتج على الغدا ؟
دانه : (راحت قعدت يم ابوها ) اي يبا اليوم اول ماقعدت من النوم دقت علي دلال رفيجتي وقالتلي تعالي بيتنا وستأذنت من امي ورحت لها
ابو دانه : وعسى استانستي يبا ؟
دانه : اي يبا ستانست
وقعدت دانه تسولف شوي مع امها وابوها .....
دانه يلا عيل اخليكم انا الحين بروح انام تصبحون على خير ..
ابو دانه : وين وين يبا تو الناس ماتبين عشا؟
دانه : لا يبا بالعافيه والله حدي دايخه بروح ارتاح
ابو دانه : نوم العوافي يبا
دانه : الله يعافيك يبا .. وصعدت غرفتها بدلت وغسلت وطفت اليتات وانسدحت تذكرت عبدالله اضحكت على الموقف وبنفس الوقت عجبها كان حييل جذاب ومملوح وجسمه حلو .. على العلاقه الي كانت تجمع بين دانه ودلال الا انا دانه ماكانت وايد تشوف عبدالله ناادر ماكنت تصادفه بس هالمره غير طاحت عينه بعينها واثنيناتهم سرحو بعض وشافته عن قرب غير عن كل مره ركزت بملامحه وشكله واهو همن نفس الشي .. وتذكرت شلون اول مانزل شافها وابتسم لها .. بس الي يه بالها كلام دلال انه مريم تحب عبدالله .. شالت هالفكره من راسها وحطت راسها ونامت ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأحد أغسطس 15, 2010 10:39 pm

البآآرتـ الثآآني



خلص الويكند وبدت الدوامات يوم الاحد الصبح قامت دانه من النوم وغسلت وبدلت وقبل لاتطلع دقت على دلال ..
دانه : الو صباح الخير
دلال : اهليين صباح النور ها وينج ؟
دانه : اي داقه عليج بقولج يلا انا كاني طالعه من البيت يايتلج بالطريج
دلال: اوكي عيل اول ماتوصلين عطيني الو .. اوكيك ؟
دانه : اوكيك يلاباي
دلال: بايات
نزلت دانه لقت امها وابوها واحمد قاعدين يترقون
دانه : صباح الخير
الكل : صباح النور
دانه : (اطالع الاكل ودها تاكل وبنفس الوقت مستعيله)
ام دانه : شفيج قعدي اكلي ليش واقفه اطالعين الاكل جذي
دانه : لووول يما حدي مستعيله ودي اكل وماودي
بو دانه : اخذيلج اي شي واكليه بالطريج!
دانه : ها اممم لالا خلاص اكل بالجامعه احسن
بو دانه : على راحتج
دانه : يلا مع السلامه ..
ابو دانه : ديري بالج يبا
دانه : ( واهي ماشيه باتجاه الباب) انشااالله يبا
احمد : هالبنت كله مستعيله وبس ابي مره تطلع مبجر ماكو
ام دانه : خل عنك دانه قولي يما متى ناوي نخطبلك
احمد : انشالله يما الله كريم تو الناس
بو دانه : اي تو الناس يا احمد انته الحين الحمدالله ريال وموناقصك شي ليش ماتكمل نص دينك لي متى بتم جذي كل مافتحنا وياك الموضوع تقول الله كريم وتو الناس !
احمد : يبا انا موبالي الزواج الحين والصراحه الزواج دوخه وعوار راس وانا موناقص
ام دانه: وانته ليش ماخذ فكره انه الزواج مشاكل وعوار راس وحنه ورنه يا يما اهو يعتمد عليك وعلى البنت وانشالله بنلقالك بنت الحلال الي تسعدك وتريحك .. لاتحكم على الكل انه مومرتاح بزواجه
احمد : (انسدت نفسه من الموضوع وقام) .. انشالله خير يلا انا اخليكم الحين تأخرت على الدوام مع السلامه
ام دانه : الله يحفظك
ابو دانه : ( يكلم ام دانه بصوت واطي ).. ماعليج منه دوروله واذا لقيتو بنت الحلال حاولو تقنعونه يمكن لي ذيك الساعه يكون مغير رايه
ام دانه : والله مادري عنه بس انشالله بشوفله وحده
احمد مثل ماقلنا عمره 26 ابيض لاطويل ولاقصير تراسيمه حلوه كان اخر همه الزواج ربعه كلهم متزوجين وقاعد يشوف مشاكلهم مع حريمهم وكل واحد منهم يتشكا من مرته واحمد عمم هالشي على الكل على انه الزواج ماوراه الا المشاكل والحنه والرنه فقرر انه مايفكر بالزواج ويشوف حياته ويكون حر نفسه مايتقيد بمره ومسؤولية وبيت ويهال وكل مايفتحون وياه سيرة الزواج يقول (انشالله تو الناس ...)
دانه وصلت بيت دلال ودقت على دلال علشان تنزل ..
ووصلو الكليه ودشو لكلاس ...
عقب ماخلصو من لكلاس بالبريك ..
دانه : دلوول امشي انروح الكفتيريا ناخذ لنا شي يبرد علينا من هالحر
دلال: اوكيك يلا مشينا ..
واهم بالكفتيريا دانه شافت رفيجتها شروق وسلمو على بعض ..
شروق : ( واهي تكلم دانه) وييينج يالقاطعه مختفيه كلش ماتبينيين؟
دلال بس شافت شروق تضايقت دلال ماتحب شروق بحكم طريقة لبسها وتفكيرها تحسها حيل اوفر
دانه : لوول موبس انا حتى انتي بعد مختفيه .. والله انا لاهيه بالدراسه وهالبحوث الي موراضيه تخلص انتي شنو عذرج لادقين ولا انشوفج ولا شي !
شروق : ( تلصق بدانه وتغمز لها ) نتغلى
البنات : لووووول ..
شروق : شلونج دلال شخبارج؟
دلال : هلا هلا والله تمام انتي شلونج ؟
شروق : والله بخير .. يلا اخليكم الحين لان عندي كلاس واخاف اتأخر وخلينا نشوفج دانو موتغطين
دانه : لووول اوكيك .. يلا عيل باي
شروق : باي
شروق رفيجة دانه تعرفت عليها اول مادخلت الجامعه كانت وياها تقريبا بكل كلاساتها شروق كانت حيل فري وجريئه
يمكن لان البيئه الي عاشت فيها فرضت عليها هالشي بحكم انه ابوها مطلق امها واهي وامها عايشين بروحهم فه ماكان احد داير باله عليها عدل ويعرف لها .. امها حيل على نياتها وطيبه وطالع الله ثم اطالع شروق .. شروق كانت شوي متروسه حنطاويه شعرها بني لي نص ظهرها شفايفها متروسه شوي وعيونها وسيعه كانت ملامحها حلوه كله تلبس تنانير ضيجه او جينزات لويست مع بديات قصيره كان ستايلها جريئ شوي .. دلال موعاجبتها حركات شروق واايد تحن على دانه انها تقطع علاقتها فيها لكن دانه ماكنت تهتم لتصرفات شروق وكانت تقول حق دلال انه كل واحد حر بحياته اهم شي انه البنت زينه وياي وماشفت منها الا كل خير واهي حره بحياتها تكلم او تماشي شباب كيفها انا مالي شغل بسوالفها ..
عقب ما راحت شروق عنهم دشو الكفتيريا دلال ودانه وشرو عصير
وعقب ماخلصو من الكفتيريا راحو قسم الدكاتره بيشوفون درجاتهم
وصلو عند مكتب الدكتور ( محمد ) وكان معلق الدرجات على الباب دانه ودلال قاعدين يدورون ارقامهم بالكشف
دانه : بطني قام يعورني من الخرعه يارب درجتي حلوه
دلال : لووول مي تو بطني شب علي من الخرعه
دانه : وواااي دلوول ونااسه يايبه 38 من 40 الحمدالله الله ماضيع تعبي
دلال : زين زين الحمدالله ... (شوي ولا دلال تتضايق )
دانه : شفيج دلوول جم يايبه ؟
دلال : 34 
دانه : وااي دلال يلا الحمدالله انشالله الدكتور يرفعج انتي حاله زين بالكوزات لاتحاتين بعد عندنا الفاينل شيدي حيلج فيه وانشالله تعوضين
دلال : انشالله ...
عند عبدالله بدوام ....
سعود : (واهو رايح عند مكتب عبدالله ) يه يه شعليه بو رشوود من قدك
عبدالله : هلا والله .. شفيك شنو شعليك ومن قدك !
سعود : يعني مادريت !
عبدالله : عن شنو تتكلم موفاهمك !
سعود : روح عند المدير وبتعرف .. قاعد ينطرك لااتتااخر
عبدالله : ( رفع حاجبه مستغرب ) المدير يبيني ليش شسالفه !
سعود : يمعود رووح قبل لا يهون
عبدالله : والله ماني فاهم عليك شي بس بروح بشوف شسالفه !
راح عبدالله لمكتب المدير وكانت خطواته كلها خوف وتردد وتساؤولات .. ياترى شيبي المدير ؟ مو من عادته يستدعيني ؟ انشالله خير .. وطق الباب ..
المدير : تفضل ..
عبدالله : دش .. السلام عليكم
المدير : وعليكم السلام .. تفضل تفضل اخ عبدالله
عبدالله : دام فضلك .. امرني بو مساعد سمعت انك طالبني
المدير ( بو مساعد ) : اي .. اول شي اهنيك على مجهودك ادري انه شغلكم تعب والله يعينكم بس الصراحه انته من الموظفين المتميزين بشغلهم وحبينا انكافأك
عبدالله : تسلم ماتقصر بو مساعد .. وانا قاعد اسوي الي علي ماسويت شي اكثر
المدير : وعشان هالشي احنا كل سنه نكافأ الموظفين الي مثلك ونظم لهم سفرة لدولة معينه وهالسنة اخترنا استراليا راح تكون الدوره فيها سبوعين ..واايد راح تستفيدون وتزيدون من خبرتكم من خلال زيارتكم لبعض مواقع الطيران وتتعرفون على كيفة شغلهم وبنفس الوقت تفيدونا من خبرتهم
عبدالله ( استانس وبنفس الوقت تضايق شلون بسافر وبيترك اهله بروحهم ) انشالله .. تامريني على شي ثاني بومساعد ؟
المدير ( بومساعد) : لاسلامتك تقدر تروح تشوف شغلك
عبدالله : مع السلامه ( وطلع من المكتب واهو سرحان ومتضايق اي واحد بمكانه راح يستانس بس اهو لا اهو كان متحمل مسؤولية البيت كلها مايقدر يخليهم بروحهم سبوعين ) .. وقطع على عبدالله صوت رفيجه سعود.....
سعود : الووو الوووو عبدالله وين رحت !
عبدالله : (كان سرحان ومايدري عن رفيجه سعود ) ها هلا هلا سعود !
سعود : شفيك يبا بيعنا بالسوق شسالفة شفيك سرحان وشكلك مضايق ! شقالك المدير!
عبدالله : ماكو يبيني اسافر وياهم دورة لستراليا بيقعدون سبوعين
سعود : اوكي وشلي مضايقك بالموضوع سفرة تي لي عندك ومتضايق!
عبدالله : ياسعود شفيك منت راضي تفهم .. اهلي شلون اخليهم بروحهم واروح؟ منو بيجابلهم وبلبي طلباتهم كلهم حريم شلون اخليهم بروحهم واروح
سعود : ياعبدالله صل ع النبي انته ماراح تهاجر انته بتقعد سبوعين وانشالله عقبها بترجع لهم
عبدالله : عليه الصلاة والسلاام .. حتى لو بس ماقدر .. مادري مادري بفكر وبعدين يصير خير
سعود : والله انك موصاحي انا لو منك اوافق وجنه العيد
نروح عند دلال ودانه بالكليه ..
بالباركينق ...
دلال : واااي استغفر الله طبخت طبخت هاذا واحنا بشهر 4 وجذي الحر شلون بشهر 7 و8؟
دانه : لووول الله كريم شكله على ما ايي شهر 7 و8 الا احنا صايرين كباب
دلال : لووووول
وصلو لي السياره دانه عندها انفنتي fX 50 سوده
شغلو السياره واهم ماشين بالطريج دانه حست انه السياره فيها شي موطبيعي تحس انه في شي بالتاير السياره موثابته
دانه : امبي دلالو السياره مادري شفيها
دلال : شفيها ؟
دانه : وييي التااير مبجر .. وصفطو على اليمين بحارة الامان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأحد أغسطس 15, 2010 10:42 pm

[center]البارتـ الثآآلثـ ...



دلال : لااا تكفين مو من صجج شنسوي الحين !
دانه : ويت ادق على ابوي ..
وقامت ادق على ابوها مره ومرتين وثلاث واربع وابوها مايرد
دلال : ها شصار ؟ مارد ؟
دانه : لا شكله نايم .. اف
دلال : خلاص خلاص اشوف عبدالله اكيد اهو الحين توه طالع من الدوام هاذي حزته
دانه : لا فشله دلوول
دلال : اي فشله اي بطيخ ويت ويت خل ادق عليه ... (دقت اول مره مارد عليها بعد ثاني مره رد)
عبدالله : ( بصوت متضايق ) هلا دلوول
دلال: هلافيك ..عبيد وينك ؟
عبدالله: توني طالع من الدوام .. ليش شبغيتي؟
دلال : عبيد سيارة دانه بنجرت علينا وعيزنا اندق على ابوها مايرد .. ومتوهقين
عبدالله : اوكي الحين ايلكم انتو وين واقفين ؟
دلال احنا صوب الدائري الخامس ..( ودلته المكان بالبضبط..)
عبدالله : اوكي مسافة الطريج واوكون عندكم .. باي
دلال: باي
دانه : ها شصار ؟
دلال : بس انحلت المشكله عبيد شوي ويي 
دانه : فديتج اانا
عبيدالله بالسياره تذكر دانه وتذكر شكلها لمن شافته بالشورت وضحك وقال بقلبه ( يحليلها )
بعد 10 دقايق دقت دلال على عبدالله ..
عبدالله : الووووو ( متنرفز )
دلال: الو عبيد وينك ترا خسنا من الحر
عبدالله : يعني شلون اطير اركب فوق السيااير كاني تقريبا وصلت مافيج صبر !
دلال: انزين انزين لاتزف خلاص
عبدالله : انزين شنو سيارتها ..؟
دلال: انفنتي fx 50 سوده صافطين بحارة الامان على اليمين
عبدالله : اوكي يلا باي ( وسكر الفون بويها )
دلال : ( اطالع التلفون ومنصدمه )
دانه : شفيج ؟
دلال: عبيد الحمدالله والشكر مادري شفيه معصب وسكر الفون بويهي 
دانه : امبي فشله ااخاف ماله خلق 
دلال: موبكيفه بعد متوهقين منو بيساعدنا؟
دانه ( تحاتي وحدها مفتشله الريال بروحه توه طالع من الدوام وماله خلق واانا زدت عليه .. بعد مالقا التاير يبنجر الا االحين ! استغفر الله .)
وصل عبدالله وطق لهم هرن وصفط جدامهم
دلال : كاهو شرف
دانه : ( استحت وارتبكت وكانت حدها مفتشله لان كان معصب على قولة دلال واهي جنها زادت عليه والحين بيقعد يعابل بسيارتها )
نزل عبدالله من سيارته وراح صوب دريشة دانه .. ( عبدالله بس شافها ارتاح ونسا الضيقه الي اهو فيها تذكر اول مره لمن طاحت عينها بعينه )
دانه نزلت الجامه ( واهي حدها مستحيه لان عبدالله كان قريب منها وكانت عينها بعينه ) ..
عبدالله : السلام .. شلونج دانه؟
دانه : ( حدها مستحيه ) وعليكم السلام .. تمام بخير .. انته شلونك ؟
عبدالله : دوم بخير دامج بخير
دلال : ( قاطعتهم ) انشالله ماتقضونها سلامات خلصونا ترا خسنا من الحر روح شوف التاير بدله
عبدالله : انتي ماتستحين على ويهج
دلال : عبيد تكفه والله بموت من الحر والله خسنا شوف شغلك
(عبدالله عطاها نظره محترمه خلت دلال تلف ويها وتحترم نفسها ..)
عبدالله : دانه وين لسبير ؟
دانه: بالدبه .. ويت ابطلك الدبه .. ( وبطلت الدبه وراح عبدالله خذا لسبير )
نزلت دانه
عبدالله كان واقف صوب الدبه لمن يه صوب باب دانه شافها كانت واقفه وقف يطالعها كانت حدها كيوت كانت لابسه نفنوف ابيض قصير واسع وشعرها كيرلي وحاطه ميك اب خفيف كاانت حييل ناعمه
دانه استحت ونزلت راسها ..
عبدالله : اي واحد فيهم الي مبجر؟
دانه اشرت له : هالتاير .. (ووخرت عشان يركب لسبير بداله)
نزل عبدالله وقعد يعاابل بالتاير ويركبه ودانه كانت واقفه يمه حدها مفتشله ماتبي تخليه بروحه كافي انه قاعد يساعدها ودلال قاعده بالسياره وتطنز على عبدالله وتتحرش فيه وتعيب عليه
عبدالله: دلوول بتسكين ولا بيلج شي ع طااير يفتح راسج
دلال ودانه : لوووووول ( دانه قعدت تضحك على خبالهم دلال تتحرش بعبدالله وعبدالله يقعد يضغطها ويزفها )
خلص عبدالله وركب التاير بس بالاخير كان شكله تحفه هدومه تدمرو وصخ وايده وحاش شويه ويها كان شكله موصج دانه شافته مسكت روحها كان فيها ضحكه ودلال ميته ضحك على عبدالله وعلى شكله
عبدالله : انتي شغلي وياج بالبيت مو اهني
دلال : لوووول اوكي اوكي
عبدالله : ( ماسك التاير لمبنجر برده بالدبه ) دانه ماعليج امر بطلي الدبه عشان ارد التاير والاغراض
دانه بطلت الدبه ..
عبدالله واهو ماسك التاير فلت من ايده وطاح على ريوله ( تألم بس سوه روحه عادي لان افتشل من دانه )
دانه : وي دير بالك .. عسا ماتعورت؟
دلال : (تضحك على شكله ) هههههههه
عبدالله : يخز دلال .. ويكلم دانه : ها لالا ماتعورت لاتحاتين 
دانه : مشكور عبدالله سوري تعبناك ويانا
عبدالله : (بقلبه التعب الي منج ياحلاته ) لالا اي تعب بالعكس اذا انا ماساعدتكم منو بيساعدكم؟
دانه : (نزلت راسها مستحيه ) تسلم
عبدالله وده التاير الدبه وراح صوب دريشة دانه يكلم دلال: دلوول يلا امشي وياي
دلال : لالا عبيد انا بروح مع دانه
عبدالله : خلاص اوكي انا بمشي وراكم عيل
دانه ودلال : اوكي
حركو البنات وركب عبدالله سيارته عبدالله كان موقادر يمشي عدل ريوله تعوره من عقب ماطاح التاير على ريوله بس كان مسوي روحه مافيه شي .. ومشا وراهم
واهم بالطريج .. البنات قاعدين يسولفون بالسياره
دانه : والله كاسر خاطري اخوج مسكين من عقب الداوم والتعب استلمنا وخلينا يسوي السياره بهالحر
دلال: لا عاادي ليش ريال بس اسم ؟
دانه : حرام عليج
دلال: شفيج شفيج واايد داافعين عنه
دانه : والله موعشان شي بس كسر خاطري مادري احسه تعبان
دلال : اهااااااااااااا ( دلال كانت حاسه انه دانه كان عاجبها عبدالله بس سكتت ماقالت شي يمكن تكون غلطانه ويكون مجرد احساس لا اكثر ولا اقل )
..................
قالت وش أكثر شي يعجبك فيني
قلت بصراحة كل ما فيك جذاب
اسمك ورسمك والشعروالجبيني
وعيونك وصوتك وخدك والأهداب
قالت تبالغ قلت لا صدقيني
ترا وصوفكما بها شي ينعاب
ما كن كل الليل للعاشقيني
وما كن كل الوصل ما بينالأقراب
كلك على بعضك كذا تعجبيني
وفي كل يوم لك يزداد الإعجاب
يا شمسعمري ويا دفاي وحنيني
جيتك حروف الحب وعيونك كتاب
بالحيل أحبك يا رجاوي سنيني
وحبك فتح للعاطفة كل الأبواب
إحساسي الصادق معك يحتويني
وإحساسي لغيرك منالناس كذاب
عمر الغرام إن طال بينك وبيني
لا تسأليني يوم عن سر الإعجاب
................
عبدالله واهو بالسياره قعد يتذكر شكل دانه وشلون مستحيه كانت ملاك بعيونه كل مره يشوفها يحس انه ينعجب فيها اكثر ..
دانه كانت دايسه ... عبدالله بقلبه شفيها جذي مطيوره الله يهداها هههه
وصلو بيت دانه ونزل عبدالله ( مثل ماقلنا كانت ريوله تعوره وكان يعري منها )
نزلو البنات من السياره وكان عبدالله ياي بتجاهم ..
دانه تساسر دلال: دلوول شفيه اخوج يعري ! اخاف من التاير الي طاح عليه تعور
دلال: يعني تشوفينه يعري اكيد متعور ..
عبدالله : الحمدالله على السلامه
دانه : الله يسلمك
عبدالله : دانه شفيج دايسه شوي شوي يبا
دانه : ( ابتسمت ) انشالله
عبدالله : (بقلبه ) فديت هالبتسامه
دلال : ( سلمت على دانه ) يلا دانو نشوفج باجر اوكي
دانه : ( واهي تسلم على دلال) اوكيك .. ( دانه واهي تشوف عبدالله) مشكور مره ثانيه عبدالله
عبدالله : العفو ماسويت شي 
دلال: يلا باااي
دانه : بايات
وحركو دلال وعبدالله ..
دانه دشت بيتهم مالقت الا امها واخوها عبدالرحمن ..
دانه : السلام
الكل : وعليكم السلام
ام دانه ( حنان ) : شفيج اليوم تاخرتي ؟
دانه : وااااي سكتي يما بنجر التاير علينا بالطريج افف
عبدالرحمن : وين السياره الحين ؟
دانه : لا سواها لي عبدالله اخو رفيجتي دلال .. دقيت على ابوي اكثر من مره مارد علي
عبدالرحمن : جان دقيتي علي
دانه : عبدالرحمن والله كنت حدي متوتره مادري دقيت على ابوي ومارد دلال قالتلي خلاص ادق على اخوها عبدالله واي يسويها لنا والسوا السياره ماقصر مسكين
ام دانه ( حنان): يزاه الله خير .. ماتبين غدا ؟
دانه : لا يما والله حدي تعبانه احس راسي ببنفجر بروح ارتاح
ام دانه ( حنان ) : على راحتج يما
وصعدت دانه غرفتها غسلت وبدلت وانسدحت تذكر كل شي تذكرت نظرات عبدالله وسلوبه وشكله كان كله على بعضه يجذب .. قعدت تقول بقلبها معقوله انا حبيته ؟ ماظن يمكن اعجاب بس مواكثر ولا اقل !! يمكن اهو مايبادلني نفس الشعور ليش استعيل وافكر فيه واخر شي يطلع صج يحب مريم بنت خالته .. شالت هالافكار من راسها بس صورته وصوته وكل شي فيه ما راح عن بالها .. وحطت راسها ونامت

flower وابي تفاعلكم بالردوود عشآآآن اكملهآآآ بآآآيوو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كيوتي **
مساعد المدير
مساعد المدير


عدد المساهمات : 148
النقاط : 323
السمعة : 5
تاريخ التسجيل : 08/08/2010
العمر : 19

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأحد أغسطس 15, 2010 11:04 pm

يسلمووو على القصة تهبل واااي >>>عفية عفية كمليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأربعاء أغسطس 18, 2010 4:54 am

البآآرت الرآآبع

دلال وعبدالله بالسياره ...
دلال كانت حيل قريبه من عبدالله كان يقول لها كل اسراره ودلال تعرف عن عبدالله كل شي ماكان يخش عنها شي كانت اكثر من اخت بالنسبه له .. عبدالله بهالحظه كان متردد شوي انه يسأل دلال عن دانه بس تجرأ وسألها ..
عبدالله : دلوول انتي من متى تعرفين دانه ؟
دلال: دانو معرفة من ايام الثنويه ..
عبدالله : اي .. بس انا اعرف اغلب رفيجاتج يعني مكلمتني عنهم كلهم الا دانه ماذكر انج كلمتيني عنها !
دلال : هههه تصدق عاد ما لاحظت هالشي
عبدالله : يحليلها شكلها خوش وحده
دلال : ها عبيد شفيك تسأل احسك واييد مهتم يعني!
عبدالله : لا من قال بس جذي شنو حرام الواحد يسال ..! انتي بس تفهمين غلط ؟
دلال : اي زين ودي اصدق لوول
عبدالله :انزين تكلمي قوليلي عنها ؟
دلال : انته بس قاعد تسال صح ؟ هههههه
عبدالله : ( يطالع دلال) تبين الصج عاد ! انا احس اني بديت احبها صج كنت شايل فكرة الحب من راسي بس والله يادلوول مادري احس من شفتها غيرت هالفكره .. مادري مادري اهو حب ولا مجرد اعجاب بس انا من شفتها اول مره حسيت شي جذبني صوبها مادري شنو .. بس خايف انها تكون مرتبطه 
دلال: ( قامت تضحك بصوت عاالي) هههههههههه ياحليلك ياعبدالله والله وبديت تحب
عبدالله : (عصب ) سكتي سكتي مالت عليج انتي الواحد ماياخذ منج لا حق ولا باطل .. (عبدالله كان طول الطريج يحس بألم بريله بس الحين كل ماله ويزيد العوار موقادر يتحمل اكثر)
وصلو البيت ودلال ماصدقت على الله وصلت البيت انزلت من السياره ركض راحت دشت البيت حتى ماسلمت على امها
امها استغربت شفيها !
عبدالله موقادر يمشي عدل يعري من ريوله دش البيت لقا امه سلم عليها وقط روحه على القفنه
ام عبدالله : وي يما شفيك منو مسوي فيك جذي .؟ شنو متهاوش مع احد ؟
عبدالله : ههههه لا يما لا مومتهاوش ولا شي بس دانه رفيجة دلوول بنجر تاير سيارتها ودلوول كانت وياها ودقت علي ورحت سويت لهم البنجر
ام عبدالله : انزين يما تبيني انجب لك الغدا ؟
عبدالله : لا يما الحمدالله تغديت بالدوام
ام عبدالله : بالعافيه يما
عبدالله : الله يعافيج .. يلا اخليج الحين بروح اخذي شور وارتاح حدي هلكان
قام عبدالله بالغصب يمشي موقادر امه اخترعت
ام عبدالله : شفيك ؟؟
عبدالله : يما ريولي وانا قاعد اشيل التاير فلت من ايدي وطاح على ريولي
ام عبدالله : تروح الطبيب الحين ماتقعد جذي شوف روحك منت قادر تمشي
عبدالله : يما شفيج لاتكبرين السالفه مافيني شي الحين بس احط لها شوية ثلج وتصير احسن
ام عبدالله : على راحتك يما
عبدالله بالغصب وصل غرفته اخذله شور وبدل وحط راسه ونام
دلال اول ماوصلت سييده بدون لاتفكر رااحت غرفة اختها ريم .. ريم كانت قاعده عندهم لان ريلها فهد كان محجوز بالدوام ..
دلال : ( بطلت الباب سسييده بدون استأذان ) طحت عليج شتسوين؟؟؟؟
ريم : ( عصبت ) من الادب يعني الواحد قبل لا يدخل يطق الباب, يستأذن مو سيده يدخل !
دلال :زين زين ( وسكرت الباب وقعدت يم ريم ) ريوم عبيد بدا يحب هههه
ريم : وانتي شدراج !!!!
دلال : امم الله يسلمج اليوم صارت لنا سالفة انا ودانو واحنا بالطريج جان يبنجر تايرها وتوهقنا ..... ( وقالت السالفه كلهاااا حق ريم )
ريم : ههههههههه تبين الصج ! دانو خوش وحده ماشفنا منها شي والصراحه احسهم لايقين على بعض وخل يرتبطون الصراحه عبيد ماراح يلقا احسن منها ولا اهي راح تلقا احسن من عبيد والحمدالله يعني عبيد غير رايه من بعد ماكان شايل هالفكره من راسه طول هالسنين
دلال : تصدقين انا فكرت بنفس الي قلتيه .. بس تهقين راح توافق؟ اخاف اقول لها وتتضايق او تفهم الموضوع غلط!
ريم: ليش تتضايق انتي حاولي تفتحين الموضوع بطريقتج وبعدين عبيد انتي تعرفينه اكثر وحده ماعنده خرابيط او انه يلعب على بنات الناس .. وثاني شي عبيد مافيه شي عشان ترفض
دلال : اوكي عيل خلاص شوي ادق عليها واقول لها تي وافتح وياها الموضوع
راحت دلوول غرفتها وبدت ادق على داانه ادق مره ومرتين وثلاث ... يالله ردت دانه
دانه : ( بصوت تعبان) الو
دلول : دانو دانو بسسسسرعه بدلي وتعالي بيتنا !
دانه : بسم الله الرحمن الرحيم شفيج تراج تخرعين الواحد شصاير!
دلال: مافيني شي بس تعالي بسرعه ابيج
دانه :دلوول المغرب ايلج انشالله مالي خلق الحين
دلال : دانو عفيه تعالي ابيج بموضوع ضرووري
دانه : ( تتحلطم ) اففف ماتيوز هالبنت ماتخلي الواحد يرتاح ماتقول صارلنا ساعه خايسيين بالحر !!
دلال : واااااي عيوز عيوز بس قاعده وتتحلطمين
دانه : خلاص خلاص مسافة الطريج وايلج
دلال : امشي شوي شوي مثل ماقال عبيد هااا
دانه : لووول انزييييين .. اي اوامر ثانيه ؟
دلال : لوول لا بس لاتتأخرين
دانه : اوكي .. يلا باي
دلال : باي
قامت دانه من لفراش وماالها خلق حدها تعبانه
وراحت دانه غسلت بدلت ولبست نفنوف جبنيز ناعم في الوان هاديه كان لي نص الركبه وحطت ميك اب خفيف وربطت شعرها لان ماكان لها خلق قايمه من النوم بالغصب بتشوف دلال شفيها ... ونزلت لقت امها وابوها قاعدين
ابو دانه : ها يبا وين رايحه ؟
دانه : ماكو يبا بروح عند دلال
ام دانه : دانو شعندج كل يوم والثاني رايحه عند دلوول بسم الله توج شايفتها انتي اكيد عندج شي!
دانه : ( ارتبكت ) لا يما شعندي يعني بروح ادرس وياها عندنا امتحان الاربعا
ابو دانه : الله يوفقج يبا وشدي حيلج .. وديري بالج بالطريج يبا ماشي
دانه : انشالله يبا .. يلا مع السلامه
ام دانه ( حنان) : هالبنت اكثرت طلعاتها
ابو دانه : الله يحفظها .. رايحه عند دلال رفيجتها وبيتهم كاهو قريب مو بعيد خليها تستانس
وركبت دانه سيارتها وسرحت مع راشد الماجد وقعدت تذكر شصار اليوم مع عبدالله ماتدري ليش كل شوي يطري عبدالله بالها ماكنت تبي هالشي انه تتعلق بحد وتحبه بس شي يجبرها انها تتذكر كل شي فيه ماتدري ليش! .....
عند دلال ....
راحت دلال صوب غرفة عبدالله تبي تشوفه نايم قاعد ! .. بطلت باب غرفته ولقته نايم
دلال: ( قاعده تتكلم بصوت واطي ) ودي اقعده بس اخاف يزفني ! لالالا بس ان قلتله ان دانو بتي اكيد بيستانس ..
ولا يمر عبدالرحمن : الحممدالله والشكر .. شفيج شفيج مو صاحيه تكلمين روحج!
دلال : وااااي مابقا الا زبوط النقعه شتبي شتبي كيفي
بدر : اكيد فيج يني صح ؟ موصاحيه
دلال : حمني عفيه عفيه قوم عبيد قوله احترق بيتنا انته مت اي شي المهم يقوم
عبدالرحمن : اشكرا تبين تموتيني؟
دلال : حمني شدعوا بس اليوم يلا عاد
عبدالرحمن : شتبين فيه خليه نايم صج مزعجه !
دلال : يلا عاااد حمني حبيبي انته قومه والله ابيه ضرووري
عبدالرحمن : وانا من شفتج وانتي كله ضرووري وضرووري
دلال : واااي سخيف
عبدالرحمن : ( واهو يأشر بيده ) بااااي انا توني راجع من المدرسه وبرتاح وتدرين بعد جو لكويت مطر وثلج وبرد
ومشا وخلاها
دلال : ( قامت تتحلطم ,, اف حدا مليق الحين شلون اقومه ! ) وبهالحظه رن موبايل دلال شافت الشاشه (مريم يتصل بك )
دلال : ( بقلبها ,, ولين شتبي هاذي وقتها الحين بالله !! ) وشالت الفون
دلال : الو هلا مريم شفيج داقه هالحزه
مريم : شفيج دلوول شنو ماتبيني ادق عليج يعني !
دلال : لا مو القصد
مريم : المهم ترا انا الحين يايتلج
دلال : ( توهقت .. تبي تصرفها ) ها لا بروح بنام ماقدر
مريم : شفيج الحمدالله والشكر الحين بتروحين ولا بتنامين؟؟؟؟
دلال : ها لا برووح الحين عندي محاضره ماراح الخلص مبجر
مريم : اوكي خلاص ايلج يوم ثاني .. وسلمي على عبيد
دلال : ( بقلبها ,, فكه ) اوكي .. يوصل .. يلا باي
مريم : ( منصدمه اول مره دلال جذي تكلمها بهالطريقه ! ) باي
دلال سكرت الفون من مريم وتذكرت دانه قامت ودقت عليها
دانه : ( تشوف فونها ولا دلال قاعده ادق واااااي ياكثر ماتحن هالبنت ) الووو
دلال : انتي سنه على ماتبدلين سنه على ماتطلعين بكل شي متأخره وينج !
دانه : وااااااي مناشبتني بكل شي كاني وصلت بيتكم عند الباب
دلال :باي ماعرفج رجعي بيتكم
دانه : دلاالو والله من صجج من صجج تتكلمين؟
دلال : هههههههههههههههه والله انج مسكيينه بسرعه تصدقين الحمدالله والشكر
دانه : عبالي بعد باي
دلال : ههههه باي
ودشت دانه بيتهم ولقت ام عبدالله وريم قاعدين سلمت عليهم وراحت عند دلال بغرفتها ....
دانه : دلوول تحجي خلصني ترا والله وترتيني ابيج ضرووري وابيج ضرووري
دلال : انزين انزين .. بس اول شي شنو تشربين ؟
دانه: مااابي يابنت الحلال بس تحجي
دلال : لا والله ماني متحجيه الا لمن تقوليلي شنو تشربين ؟
دانه : مااااابي والله ماابي بس تحجي خلصيني
دلال : انزين لحظه اقول حق الخدامه اتيب ماي
دانه : اوكي
وراحت دلال تقول حق الخدامه ... وبعد فتره ردت وياها الماي وحطته على الطاوله
دلال : دانو شرايج نطلب حدي يوعانه يلا شتبين نطلب؟
دانه :دلووول ترا بديتي تنرفزيني مقومتني من النوم وابيج بموضوع ضرووري وضرووري وحالتج حاله ولا راضيه تتحجين ترا بفعلج بأكبر شي بالغرفه الحين
دلال : لووووووووووووووول هدي هدي والله بقولج بس نطري كل شي بوقته حلو
دانه : ( تتحلطم ,, هالبنت بتيبلي الجلطه )
دلال : بس بس يالعيوز بس تتحلطم انا بدق على المطعم لاني حدي ويوعاانه وبطلبلج مالي شغل فيج
ودقت دلال على المطعم وطلبت
دانه نست السالفه وقامو يضحكون ويسولفون ويه االمطعم وكلو وخلصو .. ويه الوقت الي راح تفتح فيه دلال الموضوع مع دانه..
دلال : ( قعدت تربعت وجابلت دانه ) دانو بقولج شي
دانه : دلوول ترا صج صج خرعتيني قولي شفيج من اول ماقومتيني وانتي تقوليلي بقولج شي
دلال : امم مادري شلون ابدي وياج .. بس اليوم عقب ما ركبت مع عبيد ......( وقالت كلللل السالفه حق دانه )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأربعاء أغسطس 18, 2010 4:57 am

البارت الخامس ...في بيت ام دانه ..... كانت نوره مع امها وابوها قاعدين
ابو دانه : ها ام دانه شصار على سالفة احمد ماشفتيله بنت الحلال للحين !
ام دانه : والله ماكو للحين قاعده افكر بس مادري متردده مابي اختار له اي وحده ونتحسف تالي !
نوره : يما ليش ماتفكرين بوحده من بنات خالي سليمان ؟
ام دانه : تصدقين والله فكره وبنات خالج سليمان مشالله موناقصهم شي جمال وسنع وادب واخلاق
نوره : اي شرايج بتهاني ؟ اهي اكبر وحده واظن انها انسب وحده حق احمد من ناحية العمر
(تهاني بنت خالهم سليمان بيضه عيونها عسليه فاتحه شعرها صابغته اسود بشكل عام مملوحه عمرها 24 مدرسة ابتدائي .....)
ام دانه : اي والله صدقتي يانوير ... خلاص عيل انشوف الوقت المناسب ونكلمهم
ابو دانه : بس قبل لا تكلمونهم شوفي احمد شيقول عشان ماتفشلون وياهم
نوره : لا انشالله يبا لاتحاتي احمد خله علي انا بحاول اقنعه
ابو دانه وام دانه : الله يسمع منج ..
نروح عند دانه ودلال ....
دلال : ها شرايج دانو ؟
دانه : ........ ( ساكته )
دلال: دانو شفيج سكتي ! ادري انج انصدمتي وانا كنت خايفة اقولج وتفهميني غلط وتحطين ببالج انه عبيد نوعه يلعب على البنات وانه يبيج بس جذي .. بس والله يا دانو مو عشان انه عبدالله اخوي وامدحه جدامج واطلعه بصورة ملاك بس عبيد ان حب يحب من كل قلبه .. وتبين الصراحه احسكم لايقين على بعض هههه
دانه : دلوول انتي من صجج !! عيدي عيدي الكلام ترا للحين ماني مستوعبه
دلال : دانو ركزي معاااي تكفين ! شفيج ترا قاعده اتكلم من صجي
دانه : انزين ومريم مافكرتي فيها ؟
دلال : وشفيها مريم !
دانه : مريم تحبه وانتي تدرين
دلال : ههههه ضحكتيني يا دوين .. مريم اهي الي قاطه روحها على عبيد ماصدقت خبر
دانه : موفاهمه ولا شي ممكن توضحين
دلال : انا اقولج .. بختصار قبل بيت يدي من يوم كنا صغار كانت يدتي ويدي كله يقولون انه عبدالله لمريم ومريم لعبدالله .. تعرفين سوالف قبل يزوجون اليهال وينقون هاذا حق منو وهذي حق منو يخططون على كيفهم وياخذون عنهم القرار قبل لا يكبرون .. مريم كبرت واهي تسمع هالكلام ينقال وخلاص مخها تبرمج انه عبدالله لها مو لغيرها وانه اهي له مولغيره .. وجم مره صارحت عبدالله بحبها .. عبدالله ماكان ينظر لها بهالنظره بالعكس يعدها وحده من خواته مواكثر وقال لها هالشي .. وبس
دانه : والحين اكيد راح تنصدم !
دلال : تنصدم ولا اطق راسها بالطوفه .. دانو لاتفكرين فيها عبيد مايحبها ماايبيها
دانه : (ساكته مستانسه وبنفس الوقت متضايقه ماتدري شنو راح تكون ردة فعل مريم لمن تدري انه عبدالله مايبها ويبي دانه).....
عند عبدالله بالغرفه ... عبدالله توه قاعد من النوم وماله خلق شغل الاب وشبك وشاف رفيجه سعود شابك ودش عليه .....
ودار هالحوار بينهم ....
عبدالله : قووه سعود شلونك شخبارك؟
سعود : هلا بالحب تمااام .. انته شلونك؟
عبدالله : تمام .. ولك مالي خلق توني قاعد من النوم واحس راسي بينبط وريلي تعورني اف
سعود : سلامات يالغالي .. شفيها ريولك ؟
عبدالله : اليوم رفيجة اختي بنجر تاير سيارتها وانا قاعد اسويه فلت التاير وطاح علي ريلي وماني قادر امشي عدل
سعود : ماتسوف شر انزين روح الطبيب
عبدالله : لا يبا مالي خلق انشالله تخف علي ..سعيود ودي اقولك شي بس مادري للحين مو متأكد من الموضوع
سعود : قول شفيك شصاير!
عبدالله : سعود والله جني بتليت وبديت احب ههههههه
سعود : لالا لاتقووول عبدالله يحب لحظه لحظه هاذي يبيلها قعده
عبدالله : وليش شايفني ماعندي قلب مثلا
سعود : لا يعني غريبه عبيد تحب من عقب حبيبتك الله يرحمها ! ماصدق
عبدالله : الله يرحمها .. بس الحي ابقا من الميت .. والصراحه لازم اشوف حياتي وثاني شي البنت عاجبتني
سعود : كلام يديد بس حلو حلو انك وعيت على نفسك وحاب تكمل حياتك .. وشالمشكله صارحها !
عبدالله : مادري اخاف تكون مرتبطه او ماتبادلني نفس لحساس
سعود : قيص نبضها
عبدالله : انشالله يصير خيييير ... وقعدو يسولفون ....
عبدالله : يلا بوعزوز اخليك الحين
سعود : اوكيي انشوفك عيل باجر بالدوام
عبدالله : انشالله .. يلا مع السلامه
سعود : مع السلامه
وفصل عبدالله من الايميل
نتكلم عن سعود .... علاقة عبدالله وسعود تقريبا من قبل 6 سنين من ايام الدراسه تعرفو على بعض بمريكا والصدفه انهم توظفو بنفس المكان ... سعود اكثر وااحد قريب من عبدالله ماكو شي ينخش بينهم .. سعود كبر عبدالله حنطاوي مقرع مسوي قفل مجسم شوي واحلى مافيه عيونه كانت ناعسه وعسليه
عبدالله قام يطلع له هدوم قبل لا ياخذ شور .. فجأه سمع صوت صراخ واشياء تتحذف !!! شسالفه هد هدومه وطلع من غرفته يحاول يركض بس موقادر يعري من ريله
ودانه ودلال كانو يسولفون بالغرفه .. همن اخترعو واطلعو من الغرفه ..
غرفة عبدالله ودلال مجابلين بعض فه طلعو كلهم مع بعض اول ماسمعو الصوت ..
عبدالله اول مابطل الباب .. شاف دانه ودلال طالعين من الغرفه ... بعدالله وقف وقعد يطالع دانه ... ودانه نفس الشي اول ماطلعت لقت عبدالله بويها و اوقفت .. طاحت عينها بعيونه وسرحو مده
وقطع عليهم صوت دلال : صح النوووم اكو احد ينام لي هالحزه !
عبدالله ودانه كانو ساكتين عبدالله يطالع دانه .. ودانه ترد اطالعه واتنزل راسها مستحيه
دلال: الووووووووووو عبيد وين رحت ؟
عبدالله : هلا هلا دلوول .. ( استوعب انه واايد تنح بالبنت ) شلونج دانه ؟
دانه : هلا والله تمام .. انته شلونك وشلون ريولك الحين ؟
عبدالله : تمام الحمدالله
دلال : ( قاطعتهم ) اقووول حدكم فاضين طايحيله سلامات ومايندرا شصاير بالدنيا تحت ... ومشت عنهم ونزلت
دانه بقت بروحها مع عبدالله جان تروح ورا دلال
عبدالله : ( يطالعها واهي تمشي... ويبتسم ) اااخ حلاتها
نزل عبدالله وشاف امه وريل اخته ريم ( فهد ) وعبدالرحمن
عبدالله : (معصب ومتوتر ) شفيكم شصاير شهالصراخ واللجه ؟؟
دلال : حمني اكو غيره راعي المشاكل .. متهاوش مع ولد الجيران
عبدالله : وانته ماتيوز من سوالفك ؟ وبعدين معاك ماتكبر !
عبدالرحمن : اهو الي بدا يتحمل
فهد : عبدالرحمن انته كبير موياهل عشان تتهاوش وتفضح اهلك بالفريج
ريم : هالولد ماراح يتعدل مامنه فايده مفشلنا دايما
عبدالرحمن عصب ومشا وخلاهم ...
عبدالله : والحين شصار عسا ماصار بالصبي شي بس !
فهد : لا لاتحاتي فاككتهم لو موشايفهم جان الله العالم يمكن باط راس لصبي ولامسوي فيه شي
عبدلله : لا حول ولا قوة الا بالله ... (مشا وخلاهم)
ريم : استغفر الله هالولد مادري متى بيعقل
ام عبدالله : الله يهداه
فهد : يلا ريم مشينا
ريم : يلا عيل يما اخليكم الحين ...( وباست امها وطلعو)
دانه : يلا دلال اخليكم الحين تاخرت لازم ارد
دلال : دانو قعدي تعشي وبعدها روحي
دانه : دلول والله ماقدر امي بتسويلي سالفه كافي اليوم كلش ماقعدت بالبيت
دلال : اوكي خلاص حبيبتي على راحتج
دانه : يلا عيل انشوفج باجر ... ( وباست دلال وراحت سلمت على ام عبدالله وطلعت )
وصلت دانه بيتهم لقت ابوها وامها ونوره وعبدالرحمن
دانه : السلام عليكم
الكل : وعليكم السلام
يه يركض حمد ( ولد نوره عمره 6 سنين ) يسلم على دانه.. نوره عندها بنت اسمها فاطمه عمرها سنه وشهرين وحمد 6 سنين .. نوره حنطاويه متروسه شوي متحجبه شفايفها شوي كبار وعيونها وساع
دانه : هلا حياتي شلونك؟
حمد : ( يبوس خالته ) بخير ..( وراح يلعب)
دانه : شلونج نوره شخبارج؟
نوره : تمام وينج كلش ماتبينين ؟
ام دانه : ماااكو حتى احنا مانشوفها 24 ساعه يا بيت دلال يا مع دلال يا بالجامعه
دانه : يما يعني اقعد بالبيت شسوي !
عبدالرحمن : شنو تقعدين شسوين يعني لازم لهياته ؟
دانه : شكو شكو هياته انا رايحه بيت رفيجتي موطالعه اقز
ابو بودانه : شفيكم على البنت خلوها على راحتها
ام دانه : اي اي ماكو فايده انته عودتها كله مدللها وماترضا عليها صارت تمشي كلمتها علينا
(دانه راحت قعدت يم ابوها) .. بودانه يقرص خدها : هاذي جعدتي شلون مادلعها ( دانه طالعهم وتبتسم )
بعدها دانه ستأذنت قامت راحت غرفتها ترتاح
بدلت ووسكرت اليتات وانسدحت مويايلها النوم من عقب الكلام الي قالته دلال لها .. انه عبدالله معجب فيها وبدا يحبها...... شغلت الايبود وبدت تسمع نوال ياحبيبي .....

أبي صوتيعبر عن شعوري
وأبي قلبي يحس بـ يومراحة
أبي أعرف مكاني وويـندوري
وأبي أعلن محبتنا بـصراحة
وأقول للعالمأحبـك .. أحبـك أنا أحبـك
ويسعدلي مسا هالحـب . ويسعدليصباحة
وتتذكر كللل شي بعبدالله كلامه .. عيونه .. نظراته .. شكله .. كل شي طرا بالها حست انها صج بدت تحبه ماتدري شنو هالشعور الي يالها فجاه بس الي تعرفه انها بدت تحبه وبس!!! ....
عند عبدالله .. كان قاعد بالصاله الصغيره الي بالدور الثاني وقاعد يطالع التلفزيون ...
دلال يت وقعدت يم عبدالله ...
دلال : ها عبييد شلونك وشلون ريولك لوووول
عبدالله : تطنزين مع ويهج !
دلال : ههههههههه فديته اخوي .. يلا اخليك الحين بروح اشبك
عبدالله : ( كان متردد وده يكلم دلال بخصوص دانه ) دلال ابيج بموضوع
دلال : ( ابتسمت وعرفت عن شنو يبي يكلمها ويت اقعدت يمه وسوت روحها ماتدري ) امرني قولي ياخوي يا ولد امي وابوي
عبدالله : ويع عاد الحين بدينا بالملاقه والسخافه ..روحي روحي والله انا قايل مامنج فايده
دلال : شدعوا عبيد والله موقاعده املق يزاتي بسمعك 
عبدالله : (قرب منها وقعد يكلمها شوي شوي عشان لاحد يسمع الكلام الي بينهم ) دانه ماسألت عني؟
دلال : لا ماسالت .. وعن شنو تسال يعني!
عبدالله : لا يعني معقوله ماقالت ولا شي
دلال : ( هزت راسها بمعنى لا ) لالا ولاااشي
عبدالله : ( وخر عنها شوي وضاق خلقه انه دانه ماسألت عنه )
دلال : انته الحين مقعدني عشان تسال هالسؤال بس ؟
عبدالله : دلوول لا انا ... ( وسكت ) رد بكمل ... انا
وبهالحظه يت امهم وقطعت كلامهم ...
ام عبدالله : انتو شعندكم قاعدين بالزاويه وتتساسرون ؟ ماتعلموني؟
عبدالله : ( بقلبه ) يما وقتج وقتج الحين يعني .. اف 
دلال : ههههههههههه ( تضحك لان امها خربت الجو على عبدالله ) : لالا يما ماعندنا شي لاتشغلين بالج .. يلا انا بروح اشبك والله احس صارلي دهر موشابكه .. وراحت دلال غرفتها ... وقعدت ام عبدالله يم عبدالله
ام عبدالله : يا يما ياعبدالله متى ناوي تكمل نص دينك وتفرحني وتتزوج؟
عبدالله : يا يما ياحبيبتي تو الناس خليني شوي استانس واكون نفسي وتالي افكر بالزواج
ام عبدالله : ياوليدي انا ابي اشوف عيالك قبل لا اموت ابي اطمن عليك
عبدالله : ( باس راس امه ) بعد عمر طويل يالغاليه بعيد الشر لاتقولين جذي .. انشالله بتزوج وبتشوفين عيالي وبترسلج البيت كوكش يهال وبتشوفين عيال عيالي انشالله بعد .. تامرين امر
ام عبدالله : اي اي قص علي بهالكلام وقت الصجيه لالا يما تو الناس
عبدالله : ههههه لا يما عاد انا اقدر اقص عليج .. لابس صج نطري علي شوي مابي استعيل بهالموضوع عشان ماظلم بنت الناس معاي
ام عبدالله : على راحتك ياوليدي .. وقامت راحت غرفتها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأربعاء أغسطس 18, 2010 5:02 am

البارت السادس ....
عبدالله قاعد بغرفته يفكر بدانه ... (ويقول بقلبه ) يليتج يا دانه تحسين بلي قاعد احس فيه .. صج بديت احبها مافيها شي ماينحب البنت كلها على بعضها حلوه اااخ بس شلون افاتحها بالموضوع شلون اخليها تدري اني بديت احبها وابيها .. ماكو غير دلوول تكلمها وتقول لها عني .. (وقرر انه يروح لدلال بغرفتها ويكلمها ....)
طلع من غرفته شاف غرفة دلال مبطله ومحد فيها !!
عبدالله قعد يفكر بشغله بس متردد انه يسويها بس قوى قلبه ودش غرفة دلال وقعد يدور موبايلها لمن لقاه وخذا رقم دانه ورد كل شي بمكانه قبل لا يطلع من غرفة دلال ... وراح غرفته
قعد على السرير يطالع الرقم ومتردد ( ادق ! ولا مادق! )
تذكر كلام سعود لمن قاله صارحها بمشاعرك !
عبدالله بقلبه ( صح كلام سعود ليش ماصارحها ليش اسكت واحط بقلبي واخر شي تروح البنت من ايدي وثاني شي انا موقاعد العب عليها انا ابيها واكيد نهاية علاقتنا راح تكون زواج... ) وقرر انه يتصل عليها
دانه مويايلها نوم قاعده تسمع اغاني بالايبود ...
شوي ولاتشوف رقم غريب !!
دانه : منو هاذا ! (وطنشت ماردت على الرقم)
عبدالله : ( ليش ماترد )!!!
رد عبدالله دق مره ثانيه ومع كل رنه يحس انه دقات قلبه تزيد
رد دق نفس الرقم الغريب عند دانه
دانه : ولين يعني وبعدين ! وقررت انها تشيله
دانه : الو؟
عبدالله : الو
دانه : منو؟
عبدالله : قوه دانه
دانه : (استغربت منو هاذا ) !! قوتين منو معاي ؟
عبدالله : انا عبدالله
دانه : ( فزت من مكانها منصدمه ماكانت متوقعه انه اهو ) هلا عبدالله
عبدالله : شلونج دانه ؟ شمسويه؟
دانه : ( مستغربه ومستانسه بنفس الوقت ) تمام بخير انته شلونك؟
عبدالله : عسا دووم .. انا بخير دامج بخير
دانه : تسلم
عبدالله : يسلمج .. دانه انا في شي بقلبي وحاب انج تعرفينه واتمنى انج تسمعيني لي الاخر وماتفهميني غلط
دانه : ( عرفت شنو قصده ) تفضل قول
عبدالله : دانه انا بديت احبج من اول ماشفتج حسيت بشي جذبني صوبج مادري شنو اهو لمن اشوفج ارتاح انسا همي .. مابيج تفهميني غلط اني قاعد العب عليج او اني العب على بنات الناس .. دانه انا حبيتج وموقاعد العب ابيج بالحلال .. بس مادري اذا انتي تبادليني نفس هالشعور ولا لا او بالج احد مثلا
دانه : ... (ساكته)
عبدالله : شفيج ساكته دانه تكلمي قولي اي شي ريحيني
دانه : عبدالله انا ماجذب عليك اني بديت اميل لك والصراحه ماسمعت عنك الا كل خير ومافيك شي ينعاب ودلال فاتحتي بالموضوع... (عبدالله قاطعها)
عبدالله : فاتحتج بالموضوع !!! متى
دانه : لوول اي قالتلي اليوم
عبدالله : كلش مايابت طاري اصلا انا كنت ابي اكلمها واقول لها تكلمج بس قلت ليش اهي تكلمج واخلي وسيط بينا انا اكلمج من نفسي واقولج الي بقلبي احسن
دانه ..( مستحيه ) اي
عبدالله : ها دانه يعني افهم من كلامج انج موافقه انه نرتبط !
دانه : ( مستحيه ) اممم
عبدالله : بدينا عاااد بدلع البنات
دانه : لووووول امممم اي موافقه
عبدالله : فديت هالضحكه ... وتمو يسولفون ويضحكون ليمن داخو ونامو
الصبح .....
دلال : هاذي وينهي تأخرت وادق عليها ماترد اف منج يادوين كله مأخرتنا
وقعدت دلال ادق على دانه لمن قومتها من النوم بالغصب
دانه : ( بصوت تعبان ) : الو
دلال : ( معصبه ) ليش ليش قعدتي ردي خيسي نوم
دانه : وااي دلوول انزين بقوم خلاص الحين الساعه جم ؟
دلال : مومن صجج دانو الحين الساعه 8 ونص واحنا محاضرتنا 8
دانه : قامت من لفراش مخترعه .. شنو @@ امبي مادري ماحسيت بروحي راحت علي نومه
دلال : لا والله نامي مالت عليج ماراح يمدينا
دانه : وااي دلوول لو تدرين شصار ماتلوميني .. المهم انا اقوم اغسل وابدل وامرج راح انسكب على هالكلاس شنسوي بعد مايمدي
دلال: شالكلام بدينا انسكب بالكلاسات من متى؟
دانه : دلوول وااي يعني قاعده متأخر ماراح يمدي خلاص
دلال : خلاص يلا لا تتأخرين عشان نلحق على لكلاس الثاني
دانه : اوكي يلا باي
دلال : بايات
دانه موقادره تبطل عيونها بس تذكرت شصار امس وابتسمت .. شافت مبايلها لقت مسج من عبدالله ( احبج ) ابتسمت ...
وجان ادزله ( وانا بعد احبك )
وقامت غسلت وبدلت لبست جينز سكني مع قميص بولو ابيض وسوت شعرها ستريت وحطت فيونكه صغيره كحليه على جنب وميك اب خفيف وكانت طالعه زوغه ... وطلعت من البيت
مريم ( بنت خالة عبدالله ) كانت قاعده بالدوام وماعندها شغل .. فكرت انها تسأل وادق على عبدالله
مريم : ( بقلبها ): خل ادق على عبيد اشوفه شلونه شخباره مادري عنه من مده .. وشالت موبايلها ودقت عليه
عبدالله بالدوام وكان لاهي بالشغل ... رن موبايله ( مريم يتصل بك )
عبدالله : ولين وقتها عاد !!!
وحقرها مارد عليها
وردت مريم ادق ..... وهمن حقرها عبدالله مارد .. وردت ادق مره ثالثه
سعود : شفيك عبيد ماترد ؟
عبدالله : ماني راد هاذي مريم
سعود :انزين رد عليها شوفها شتبي يمكن في شي ضروري
عبدالله : ماتوقع بس جذي فاضيه داقه تسولف اعرفها ... بس على قولتك خنشوف شنو اخرتها وياها..( ورد عليها عبدالله)
مريم : (بدلع ) الوو
عبدالله : الو هلا مريم
مريم : هلا فيك .. شلونك عبدالله ؟
عبدالله : تمام الحمدالله .. انتي شخبارج ؟
مريم : بخير دامك بخير ... وينك مادق ماتسأل ؟
عبدالله : والله لاهي شسوي ارد من الدوام هلكان ادور لفراش ماعندي فرصه كلش
مريم : الله يعطيك العافيه ... عبدالله عندك شي هاليومين؟
عبدالله : ليش خير انشالله؟
مريم : لا بس قلت من زمان موطالعين ودي انروح سينما او مطعم المهم نطلع
عبدالله : لا والله مشغول ماقدر
مريم : امممم خلاص عيل انخليها وقت ثاني متى مافضيت قولي عشان انشوف لنا يوم ونطلع
عبدالله : انشالله .. ( عبدالله يبي يصرفها وبنفس الوقت موفاضيلها ) يلا عيل مريم اخليج الحين لاني بالدوام ومشغول
مريم : اوكي عيل .. مع السلامه
عبدالله : مع السلامه
عبدالله يكلم سعود : ماقتلك فاضيه ماعنددها سالفة داقه تسولف ولا بعد تقولي شرايك نطلع ياخي هالبنت حدها جريئه وماتستحي قاطه روحها قط علي
سعوود : ( يتطنز )ههههههه شعليك شعليك احد لاقيله جذي وحده ميته عليه ويتغلى!
عبدالله : سعيود انته حدك فاضي ..
انروح عند دانه ... وصلت لبيت دلال ....
دلال : واخيرا وصلتي
دانه : وااي دلوول بدينا عاد خلاص ماصار شي كاه يتلج
دلال : بدون مقدمات قوليلي شنو الي صار امس ومادري عنه
دانه : ( اطالع دلال وتبتسم )
دلال : دانو خلصي قوليلي شصاير ؟؟؟؟
دانه : امس كلمت عبدالله ( وتغمز لها )
دلال: ( دلال تقصر على الراديو بسسرعه )@@ حلفييي شلون ومتى صار !
دانه : ( لوووول دانه تضحك على شكلها شلون تنحت) شلون؟ اهو دق علي .. ومتى ؟ باليل بعد مارجعت البيت بجم ساعه
دلال : وشصار شقالج بالضبط؟
ودانه قالت لها كل شي بالتفصيل الممل ....
دلال : واااي فديتكم والله لايقين على بعض وعبيد هالملعون مادري عنه انه جذي موهين يسويها من وراي ها انا ااعلمه
دانه : لووووووووووول موصاحيه
مريم بالدوام قاعده مع رفيجاتها ....
سهى : ها كلمتي حبيب القلب !
مريم : اي بس مشغول بالدوام ماخذيت راحتي وياه
ناديه : وهاذا كل ماتكلمينه مشغول وبس !!! والله انا احاسه انه قاعد يصرفج
سهى: جذي تكون باله وحده ثانيه ويحبها وانتي ماتدرين!!
مريم : فال الله ولا فالج اصلا اهو لي مو لحد غيري ولي تفكر انها تاخذه مني والله بتندم اهي وياه .......



امممم سآآآرووهـ لعيوونج بس وين الردوووود شدعوه المنتدى مهجوووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كيوتي **
مساعد المدير
مساعد المدير


عدد المساهمات : 148
النقاط : 323
السمعة : 5
تاريخ التسجيل : 08/08/2010
العمر : 19

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الأربعاء أغسطس 18, 2010 6:30 am

يسلمووو >> افااا عليج ولا يهمج انا اول من يرد واااي فجور تهبل القصة مووو صج
هآآآ مافي تكلمة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*دلوعة من العسل مصنوعة*
**المديرة**
**المديرة**


عدد المساهمات : 303
النقاط : 123968
السمعة : 4
تاريخ التسجيل : 20/05/2010
العمر : 20
الموقع : hadosh.tv-soap.com

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الجمعة أغسطس 20, 2010 1:02 am

يسلمووووووووو قصة حلوووووووووووة كوووووول ما فى تكميل ارجوكى كمليها اليوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hadosh.tv-soap.com
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الإثنين أغسطس 23, 2010 12:55 am

انشالله بااجر اكملها بس لازم ردووووود لان ماقدر اكملها جي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: البآآآرت السآآبـع    الجمعة أغسطس 27, 2010 10:33 am

[center][b]بعد ماخلص عبدالله من الشغل تسند على الكرسي وشبك ايده الثنتين وحطهم ورا راسه وغمض عيونه كان تعبان من الشغل وبنفس الوقت كان يفكر بدانه ......
دش عليه سعود شافه بهالوضع ...
سعود : ( بدا يمشي شوي شوي بحيث انه ماتنسمع خطواته قد مايقدر ... وفجأه وقف جبال مكتب عبدالله وطق حيل على المكتب .. ومع الطقه قال بصوت عالي : شـــــــــــــتســــــــــــوي ؟؟؟؟؟؟ )
عبدالله : ( طمر من الكرسي مخترع ) بسم الله شصاير
سعود : ههههههههههههههههههههههههه
عبدالله : (بعصبيه ) حسبي الله على بليسك وقفت قلبي تشوفني يعني تعباان ماصدقت على الله حصلت وقت ارتاح من الشغل
سعود : ( حاط ايده على بطنه ) ههههههههههههههه اااخ بطني والله موصج شكلك .. ( وقعد سعود على الكرسي الي يم مكتب عبدالله )
سعود : ها شصار على الموضوع الي كلمتني عنه !
عبدالله : اي موضوع ؟
سعود : (يغمز حق عبدالله ) يعنييي بتسوي رووحك ماتدري .. يبا عن البنت الي قتلي عنها شصار على السالفه فاتحتها بالموضوع ولالا للحين؟
عبدالله : ( يبتسم ) ااااي كلمتها ومشت الامور والحمدالله .. ( وقاله السالفه ) ......
سعود : ( فرح لعبدالله انه قدر يحب وينسا الي راح ) .. الله يخليكم حق بعض
عبدلله : ويخليك انشالله .. ( ويغمز حق سعود ) ويرزقك مثل مارزقنا ..
سعود : انشالله الله يسمع منك .. الا تعال ماقتلي شصار على سفرتكم متى ؟
عبدالله : ( كان ناسي هالموضوع وذكره سعود وضاق خلقه شلون بيترك اهله بروحهم والحين .. شلون بيقدر يترك دانه !!) ولي يرحم والديك لاتذكرني ..
سعود : ليش ليش يبا بيعنا بالسوق
عبدالله : سعود اذا قتلك روح تروح بدالي ؟
سعود : انته من صجك لو يصير جان رحت اكو احد صاحي يضيع هالسفره منه ؟
عبدالله :والله صج ؟
سعود : اي والله موقاعد اتغشمر
عبدالله : فديتك انا ...شرايك نروح حق المدير وانقوله وانا اقط جم صاروخ ع الماشي عشان يرضا انك تسافر بدالي ؟
سعود : كاااك حلوه جم صاروخ ع الماشي
المديـر بو مساعد كان قاعد يتفقد الشغل على المكاتب ودش على مكتب عبدالله ولقا سعود عنده وضحكهم شايل ...
المدير (بو مساعد ) :شفيكم تضحكون ضحكوني وياكم
سعود وعبدالله : هلا هلا طال عمرك شلونك؟
المدير (بومساعد): هلافيكم تمام انتو شلونكم ؟وشلون الشغل وياكم ... لالا شكله الشغل ماشي تمااام مشالله عليكم .. الله يعطيكم العافيه
سعود وعبدالله : الله يعافيك
المدير ( بومساعد ) : ها عبدالله انشالله مستعد حق االدوره ؟
عبدالله : ( ضاق خلقه ) طال عمرك انا ماقدر اسافر والسموحه
المدير ( بو مساعد ) : افا ليش عسا ماشر ؟
عبدالله(حب انه يجذب عشان يفتك من سالفة الدوره) : الشر مايك .. بس اختي تعبانه وانته تدري انه ابوي متوفي وانا الي شايل البيت .. وسعود يستاهل يروح بدالي
المدير ( بو مساعد ) : لا سلامتها ماتشوف شر انشالله ..خلاص اذا تبي سعود يسافر بدالك حاضرين
عبدالله : ( استانس حس انه هم وانزاح من على صدره )
المدير (بومساعد) :ها سعود تقدر ولا بتعذر مثل عبدالله ؟
سعود: لالا افا عليك اقدر .. واذا تبي من الحين ازهب جنطتي
المدير وعبدالله : ههههههههههههههه
المدير( بو مساعد ) : يلا اخليكم الحين ..
دلال ودانه كان عندهم بريك وقاعدين بالكفتيريا ....
دلال : تدرين بخاطري اتحرش بعبود
دانه : وانتي ماتيوزين جنكم توم اند جيري واحد يتحرش بالثاني
دلال : لووووول والله احلى شي احب اطفره .. دانو دقي دقي على عبيد شوفيه شلونه
دانه : ها لا ماابي استحي
دلال :طاع هاذي اقول خلصي دقي عليه
دانه :هاج بس ماراح اكلمه
دلال : بكيفج اهو ؟ .. خذت التلفون ودقت قطت التلفون على دانه ودانه اتقطه عليها ( وحده اتقطه على الثانيه ) لمن شاله عبدالله .. الو
دانه:افتشلت وردت عليه ... الــو
عبدالله :هلا بلي نورت تلفوني هلا بالزين كله
دانه : ( استحت) لوووول هلا فيك شلونك ؟
عبدالله : بهالحظه احسن واحد بالدنيا .. وانتي شلونج ؟
دانه : دوووم .. بخير دامك بخير .. شلون الدوام؟
دلال ( تضحك وتغمز حق دانه .. ودانه طقها على جتفها وتكلم عبدالله )
عبدالله : الحمدالله ..
دانه : يعطيك العافيه
عبدالله : الله يعافيج حبيبتي انتي .. ها وينج ؟
دانه : ( ذابت من هالكلمه ) بالجامعه
عبدالله : ا ي اي قامو يطلعون ومايقولون
دانه : لووووووووووول سوري والله موقصدي خلاص قبل لا اطلع اي مكان اقولك
عبدالله : بنات مايون الا بالعين الحمرا
دانه : لوووووول .. اوكي اخليك عشان انلحق على المحاضره
عبدالله : اوكي حبيبي اول ماتوصلين البيت طمنيني
دانه : انشالله من عيوني
عبدالله :تسلملي عيونج .. احبج
دانه : ( استحت واسكتت) ...
عبدالله : احبببببببببج
دانه : لوووول عبدالله خلاص
عبدالله : انزين قوليلي احبك ابي اسمعها
دانه : عبدالله موالحين ماقدر
عبدالله : انزين بهدج بس مره ثانيه ماتسكرينه الا لمن تقولينها والله ماخليج
دانه: لوووووووول انشالله .. مع السلامه
عبدالله : مع السلامه
دلال : اااااااااخ اموت على عصافير الحب انا
دانه : ( تضحك وطق دلال على ايدها ) لوووول بس بس عاد
دلال : (تقرص خد دانه) ويي فديت الي يستحوووون
دانه : لووووول يلا دلوول بلا سخافه ترا ماباقي شي على المحاضره
دلال : يلا اوكي ..( وقاموا واهم رايحين لكلاس دانه شافت شروق)
شرووق : هلا والله شلونج دانو ؟
دانه : هلا فيج تمام انتي شلونج؟
دلال : (شافت شروق ومشت راحت لكلاس)
شروق بقلبها ( شفيها هاذي الحمدالله والشكر حتى ماسلمت !)
شروق : تمام والله بخير دامج بخير .. دانو والله حدي ولهانه عليج من زمان ماطلعنا شرايج هالويكند نطلع ؟
دانه : اوكي خلاص تم انشالله على هالويكند انشوف لنا طلعه ( وتغمز لشروق)
شروق : اوكي حبيبي عيل بينا الو .. اخليج الحين عشان ماتتأخرين على كلاسج .. جاااو
دانه : جااو ..( ودشت لكلاس)
بالكلاس .....
دانه : ( تكلم دلال شوي شوي ) دلوول .. دلوول
دلال : ها شفيج؟
دانه : ليش جذي سكبتي بشروق احسها تضايقت من تصرفج!
دلال : وااي دانو تدرين فيني ماوااطنها بعيشة الله .. ونصيحه موزين عبيد يدري انج تكلمين هالاشكال
دانه: ( تخز دلال وضايق خلقها .. مثل ماقلنا اهي مع شروق صار لهم فتره وماشافت من البنت الا كل خير دانه مالها شغل بسوالفها الي مومضبوطه اهم شي عندها انه البنت زينه وياها ولاضرتها بيوم)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الجمعة أغسطس 27, 2010 10:35 am

[b]البارت الثامن ....
مرت الايام وعلاقة دانه وعبدالله تطورت وتم على علاقتهم شهر وشي وكانو احلى اثنين .... وبهالفتره عرف عبدالله انه مريم درت انه يحب
دانه رفيجة دلال ..... مريم مايأست كانت كل مره ادق فيها على عبدالله وعبدالله يسكره بويها وترد ادق عليه ... ودانه يوم وترك كانت تروح
بيت دلال عشان تشوف عبدالله .. ومريم ماعدت هالسالفه على خير كانت تراقبهم 24 ساعه وبعد تفكير لقت الحل الي تقهر فيه عبدالله ..
ويمكن اسوأ شي مر على عبدالله لان اهو كان السبب ورا كل الي راح يصير ..
في بيت ام دانه ......
واايد حاولو ام دانه ونوره وابو دانه انهم يقنعوون احمد بالزواج واخيرا وافق على بنت خاله تهاني ...
ام دانه .. دقت على اخوها سليمان عشان تكلمه بالموضوع وايون يخطبون بنته تهاني رسمي ودقت على اخوها ...
ام دانه : الو
سليمان : الو .. هلا بختي الغاليه شلونج ؟
ام دانه: هلا والله هلا بو محمد شلونك ؟
سليمان : والله الحمدالله بخير نسأل عنج
ام دانه : سألت عنك العافيه .. شلون ام محمد وشلون لعيال ؟
سليمان : والله كلهم بخير .. وانتو شلونكم عساكم بخير شلون بو احمد والعيال كلهم ؟
ام دانه : والله كلهم بخير ... بو محمد ووالله داقه وبغيتك بموضوع
سليمان : تفضلي امريني عيوني لج
ام دانه: تسلم عيونج .. شوف ياخوي انا بختصر السالفه وبدش بالمووضع على طول
سليمان : تفضلي
ام دانه : دام فضلك ... والله انا داقه اليوم عشان اخطب بنتك تهاني لولدي احمد
سليمان : والله هاذي الساعه لمباركه
ام دانه : ساعتك ابرك يابو محمد وقلنا بس انبلغكم عشان انزوركم ونتفق على هالامور
سليمان : افا عليج يا ام فيصل انتي العزيزه الغالية اتيين بأي وقت من دون ماتحددين موعند احنا خوان
ام دانه : تسلم وماتقصر .. مادري الاثنين يانسبكم ؟
سليمان : حياكم الله بأي وقت قتلج انتو مايحتاي تحددون موعند احنا اخوان ومابينا هالكلافه
ام دانه : تسلم وماتقصر يلا عيل اخليك الحين وسلم على الاهل
سليمان : الله يسلمج من كل شي .. مع السلامه
ام دانه: مع السلامه
ابو دانه : ها بشري شصار ؟
ام دانه : ( مستانسه ) خلاص حددنا الموعد يوم الاثنين نروح لهم .. وبيني وبينك مبين انه موافق ومستانس
ابو دانه : الله يتمم على خير
ام دانه : امييين .. خل اروح ابشر احمد .. وصعدت عشان تبشر احمد .. واحمد استانس من هالخبر واخيرا قرر انه يتزوج ويستقر كان حاس
بفرحه ماتنوصف موعارف شلون يعبر عنها معنى ماصار شي رسمي للحين بس كان حاس انهم راح يوافقون وراح يتم كل شي على خير
انشالله ... وعلى العشا كلهم كانو قاعدين يتعشون ...
دانه : (تغمز حق احمد ) هااا يقولون بعض الناس بيتزوجون
احمد : احم اي ليش موعاجبج؟
دانه : لووووول لا من قال ..يلا ع البركه الله يتمم على خير
احمد : انشالله والفال لج انشالله
دانه : ( استحت )
ام دانه : لالا دانو تو الناس عليها
احمد : ليش تو الناس الحمدالله موناقصها شي
ام دانه : لا بس بعدها ياهل وينهي وين الزواج
دانه : (ساكته ومستحيه )
ابو دانه : هالبنت لومهما تكبر بتظل بعيوني صغيره
احمد : اي اخر العنقود مدلعينها واحنا مسكانين ناسينا ماتدرون عنا
دانه : واااي ياربي ليش شتبون حاسديني !
احمد : اقول اكلي اكلي احسنلج
ام دانه : وبعدين معاكم
وقطع عليهم صوت موبايل دانه والمتصل كان عبدالله ...
دانه ارتبكت وماعرفت شتسوي وردت على التلفون ...
دانه: ( برتبااك ) الو هلا دلوول
عبدالله : لوووووووول مره وحده صرت دلوول ها
دانه : ( ماسكه ضحكتها ) ماتيوزين وبعدين وياج ترا حدج فاضيه
عبدالله : لالالالا انتي من قال انج مو متوهقه هههههه خلاص اكلمج بعدين حبيبي
دانه : اوكي عيل يلا باي .. (وقامت من على العشا)
ام دانه : وين رايحه ماكليتي ؟
دانه : لا يما شبعت الحمدالله
ام دانه : ( حست على دانه انه مرتبكه او خاشه شي ) بالعافيه
دانه : الله يعافيج يما يلا عن اذنكم ... وراحت دانه غرفتها ودقت على عبدالله وتمو يسولفون طول اليل ونامو الفير الساعه 4 وكالعاده دوام دانه
ودلال يبلش الساعه 8 ودانه كل يوم نفس الموال دلال تعصب ودانه تقوم متأخر ....
دلال : انتو وبعدين وياكم ؟؟ ماتيووزوون من هالسهر انتو تسهروون وانا الي اكلها
دانه : دللوول حياتي انتي قلبي والله اسفه مووواااه
دلال : اي اي قصي علي
دانه : لوووول الحلو فيج بسرعه ترضين
بيت ام عبدالله .....
ام عبدالله كانت قاعده بالصاله تتكلم بالتلفون وفجأه شافت رنا وعيالها مع جناطها داشين البيت ويت رنا وقطت روحها بحظن امها تبجي ...
ام عبدالله ( هدت التلفون مستغربه وخايفه على بنتها ) شفيج يما تبجين ؟ وشهالجناط الي وياج ؟
رنا : ( لامه امها وتبجي )
ام عبدالله : يابنيتي شالسالفه لاتقعديني على اعصابي اكثر من جذي
رنا : يما خالد خالد واايد متغير علينا مايدري عن البيت ومايدري عني ولا عن عياله كله لاهي ومنشغل عنا ووصلت فيه المواصيل يمد ايده علي يما تعبت بس خلاص ماابي اقعد عنده كثر ماقعدت متحمله وصابره عشان هاليهال بس خلاص والله ماعاد فيني ( وتزيد بجي)
ام عبدالله : ( دمعت عينها على حال بنتها ) بس يا يما ذكري ربج وانشالله الامور بتتصلح ماكو مشكله تنحل بهالطريقة هدي روحج وتالي
نتفاهم ,, وراحت ام عبدالله خذت رنا لغرفتنا وخلتها ترتاح ....
بعد فتره وصل عبدالله البيت وسلم على امه ...
عبدالله : السلام ( واستغرب من لجنااط الي عند الباب )
ام عبدالله : وعليكم السلام هلا يما
عبدالله : ( باس راس امه ) شلونج يما ؟ وشهالجناط الي عند الباب !
ام عبدالله : والله موبخير .. هذيل جناط اختك رنا
عبدالله : ليش شصاير ؟
ام عبدالله : والله مادري يا يما تقول انه ريلها متغير عليها ومومجابلهم ولايدري عنهم وفوق كل هاذا ماد ايده عليها ,, وماتبي ترجعله
عبدالله : ( عصب ) نعم شنو ماد ايده عليها
ام عبدالله : والله مادري يا يما
عبدالله : اهي وينها ؟
ام عبدالله : بغرفتها ...
وراح عبدالله غرفة رنا .. طق الباب
رنا : ( بصوت تعبان كانت قاعده تمسح دموعها ماتبي احد يشوفها واهي تبجي ) تفضل
عبدالله : قوه رنا شلونج ؟
رنا : هلا عبدالله ..بخير الحمدالله
عبدالله : شالسالفه شالكلام الي سمعته من امي ؟
رنا : ( خانقتها العبره )
عبدالله : رنا انا ماتوقع عشان هالشي تركتي البيت ومنتي راجعتله عشان هالسبب اكيد في شي ثاني .. اذا في لاتخشين علي انا اخوج ومالج غيري فتحيلي قلبج واوعدج محد راح يعرف شي
رنا : ( قامت تنزل دموعها موقادره تتحكم فيهم )
عبدالله : رنا شقتلج انا ؟ قوليلي فتحيلي قلبج
رنا : خالد يخوني ياعبدالله ومع منو ( قامت تبجي بحرقه ) مع مريم بنت خالتي
عبدالله : ( انصدم حس الدنيا تفتر فيه اخر شخص توقعه يسوي جذي مريم ولا مع اخته !!!!) انتي من متأكده ؟
رنا : اي متأكده وشفتهم بعيوني .. وهاذا الي قاهرني تكفه عبدالله امي لاتدري عن الموضوع مانبي مشاكل
عبدالله :هالخسيس انا اعلمه شغله عندي .. (وطلع عبدالله من غرفة رنا معصب موعارف شيسوي ....)
شافته امه ونادته بس حقرها ...
ام عبدالله دشت على رنا بالغرفه ....
ام عبدالله : رنا شفي اخوج مو على بعضه معصب
رنا : لا يما لاتحاتين مافيه شي بس قالي انه ناسي شي وراح ايبه
ام عبدالله : ( كانت حاسه انه في شي بس موحابينها تعرف )
عبدالله كان حدا معصب وموعارف شسوي حس انه تفكيره انشل موقادر يستوعب الي قالته رنا ... كان موعارف شسيوي يدق على خالد ولا على مريم وبعد تفكير قرر انه يدق على مريم ...
مريم بغرفتها منسدحه .. اسمعت صوت موبايلها وقامت تشوف منو الي داق
مريم : لا مومعقوله عبدالله داق علي ( مستانسه ونبفس الوقت مستغربه من عبدالله انه داق عليها وخايفه ان عارف شي عن موضوعها اهي وخالد)
وبدوون تردد شالته ...
مريم : هلا والله هلا بعبدالله
عبدالله : ( بعصبيه ) وينج فيه ؟
مريم : ( مستغربه ) بالبيت
عبدالله : تقدرين اتيني الحين ضرووري ابي اشوفج
مريم : ( ماصدقت خبر ) اووكي ماعندي شي الحين ايلك .. بس وين؟
واتفق عبدالله وياها على المكان .. بعد فتره وصلت مريم المكان الي اتفقو عليه ودقت على عبدالله
مريم : الو عبدالله انا وصلت
عبدالله : اوكي تعاليلي برا انا قاعد جبال البحر
الشي الي مانعرفه انه مريم من عقب ماعرفت انه عبدالله يحب دانه انصدمت وحقدت عليهم كلهم على دلال الي كانت اقرب الناس لها وعلى
دانه الي خذت حبيبها منها وعلى عبدالله وقررت انها تنتقم منهم واحد واحد .. وقررت انها اتحرق قلب عبدالله وخواته وتالي تحرق قلب دانه ..
واول شي طرا بالها انها تخرب علاقة رنا بريلها ( بتقولون رنا شكو ؟ مثل ماقلت حبت تحرق قلب عبدالله لان عبدالله متحمل مسؤوليتهم وكان
اكثر من اخو لهم متحمل كل شي حتى اخطائهم وهمومهم ) وقررت انها اتيب راس خالد ريل رنا وسوت الي تبيه وقصت على الريال وقامت
تكلمه وتطلع وياه ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
a7la-qadsawiah17



عدد المساهمات : 11
النقاط : 13
السمعة : 0
تاريخ التسجيل : 15/08/2010
العمر : 20
الموقع : منتدى الجمهـور القدسآآوي

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الجمعة أغسطس 27, 2010 10:37 am

البارت التاسع....
دانه ودلال توهم طالعين من المحاضره ورادين البيت
دلال : واااي لا هالدكتور ترا لوع جبدنا بهالكوزات
دانه : يالله الله كريم نتحمل كلها ماباقي شي وخلاص انعطل
دلال : واااي يالله متى متي العطله
دانه : لاتحنين وبتي لوووول
دلال : دلوول تكفين مري ماك حدي ويوعانه
دانه : تصدقين حتى انا ميته يوع ..( وراحو ماك وشرو غدا وعقبها وصلت دانه دلال بيتهم واستغربت ماشافت سيارة عبدالله!)
دانه ( بينها وبين نفسها .. اهو قالي انه راد البيت من زمان مومعقوله ماوصل !! بس سيارته مو موجوده.. قامت تحاتي انه صارله شي بالطريج ..)
دانه : دلوول عبيد وينه؟
دلال : ليش انتي ماكملتي عبيد !
دانه : بله كلمته وقالي انه بالطريج راجع البيت ! بس شوفة عينج سيارته موموجوده!!
دلال : المفروض يكون راد من زمان هاذي حزته يكون بالبيت
دانه : دلوول لاتخرعيني اكثر ..
دلال: ( تبتسم حق دانه وتغمز لها ) والله وقمنا انخاااف عليه هااا
دانه : واااااي دلوول سكتي سكتي حدج بارده
دلال : امشي امشي نزلي اندق عليه داخل
دانه : اوكييك
عند عبدالله ومريم .....
مريم كانت متوتره وخايفه انه عبدالله كشف موضوعها اهي وخالد وكانت خطواتها كلها خوف وارتباك ..واخيرا وصلت عند عبدالله
مريم : قوه عبدالله شلونج ؟
عبدالله : (بعصبيه ) قعدي
مريم : (خافت وتوترت اكثر ) : شفيك معصب ؟
عبدالله : ليش تبيني اضحك على الي سويتيه!!!
مريم : ( متردده) ليش وانا شسويت؟
عبدالله : مريم لاتستهبلين على افاي انتي تعرفين شمسويه
مريم : ( تسوي روحها موعارفه شي ) : لاماعرف قولي شمسويه؟
عبدالله : تبيني اقولج شمسويه ؟؟؟ اقولج انج تكلمين خالد ريل رنا ؟؟ اقولج انج خادعتنا طول هالمده ؟؟؟
مريم : ( انصدمت وماردت عليه ) .......
عبدالله : ( بعصبيه اكثر ) ليش سكتي هاا ماترديين ؟؟؟
مريم : وانته شدراك ؟
عبدالله : دريت وخلاص مومهم تعرفين منو الي قالي
مريم : ( تضحك ضحكة استهزاء) هههههههههههه حسيت بحرقة القلب الحين ؟
عبدالله : اي حرقة قلب شتخربطين ؟
مريم : شفت هالاحساس الي حاسه الحين ولا شي بالنسبه حق احساسي يوم دريت انك تحب غيري
عبدالله : يابنت الناس قتلج ماابيج وانا مالعبت عليج وعشمتج وقطيتج اظن كنت صريح معااج من البدايه وضحتلج شنو مشاعري تجاهج .. وشكو اختي بالموضوع ليش رنا
مريم : بس حبيت ا قهركم لا اكثر ولا اقل ويامالك يا عبدالله هاذا ولا شي قتلك انته لي وماردك لي
عبدالله : تخسين الا انتي والله يا مريم ان ماوخرتي عن ريل رنا ورنا وخليتيهم بحالهم يويلج
مريم : ههه انشوف
(عبدالله لاشعوريا فقد اعصابه وعطاها طراق)
مريم : ( منصدمه حاطه ايدها على خدها تبجي من قوة الطقه وتضحك بنفس الوقت ) هين هين يا عبدالله ... مشت وخلته
عبدالله : حس انه خلاص فقد اعصابه قعد واحط راسه بين ايده يحس انه كل جسمه ينتفض من القهر والعصبيه
عند دلال وداانه ... عيزو يدقون على عبدالله بس عبدالله كان ناسي موبايله بالسياره وماكان فاضي حق احد ولا له خلق حق اي احد من عقب الي صار .. ركب سيارته شاف موبايله لقا اكثر من 10 مس كولز من دانه وبيتهم ..
دانه : دلوول مايرد اخاف صار فيه شي !!
دلال : دانو تعوذي من بليس وانشالله ماكو الا العافيه اكيد مشغول من جذي موقاعد يرد
دانه : انشالله .. بحاول ادق انشالله يرد علي
وردت ادق دانه ...
عبدالله : ( شاف رقم دانه كان متردد يرد ولا لا ماكان حاب انه يضايقها بمشاكله بس بنفس الوقت يدري انها قاعده تحاتيه وماحب يخرعها اكثر وقرر انه يرد ) الو
دانه : الو حبيبي وينك ؟ شفيك ماترد ؟
عبدالله : مافيني شي حبيبي بس الدوام دقو علي ورحت لهم
دانه : اكيد حبيبي مافيك شي
عبدالله : اكيد حبيبي .. حياتي انا الحين بالطريج راد البيت اول ما اوصل اكلمج زين حبيبي ؟
دانه : زين .. دير بالك بالطريج
عبدالله : من عيوني
دانه : فديت عيونك .. مع السلامه
عبدالله : مع السلامه .. وسكر الخط
دانه : تلتفت على دلال : يقول مافيه شي بس الدوام دقو عليه ضرووري وراح لهم .. يقول الحين راد البيت .. بس مادري دلوول احس انه فيه شي !
دلال : لاتوسوسين ماكو الا العافيه المهم انه بخير
دانه : الحمدالله ( بس كانت حاسه انه عبدالله فيه شي )
عند مريم ....
من اول ماحركت واهي تبجي بالسيارة من القهر والحره الي فيها .. ماتدري تبجي على شنو تبجي على حلمها الي راح منها ؟ ولاتبجي على
روحها ؟ ولا تبجي على الي سوته بعبدالله ؟ صج اهي تحبه وماتحب تشوفه متضايق بس اهو طعنها خذا غيرها وخلاها .. تحس احلامها
انهدمت من عقب ماحب عبدالله غيرها كانت راسمه حياتها كلها على عبدالله كانت تحلم انها بتظل وياه طول عمرها ومحد راح ياخذه منها
كانت تشوف روحها لعبدالله وعبدالله لها .. لكن كل هاذا انهدم عقب ماعرف عبدالله دانه .. ومن عقب ماخشت عليها دلال وريم علاقة عبدالله
بدانه طعونها واهم اقرب الناس لها تحسبهم اكثر من خواتها كانت كلمة وحده ترددها (اكرهكم اكرهكم )
وهالسالفه ماراح تعدي على خير بخليكم تندمون على الساعه الي عرفتو فيها دانه وانته ياعبدالله بخليك تندم على الساعه الي حبيت دانه فيها
وتركتني عشانها .. راح اخليك اتيني تزحف تترجاني اني اردلك ....
ليتكـ تموت اليوم وارتاح انا منكـ
يرتاح قلبن بالخياه طعنتهـ
ليتك تموت وباللون الاسود اكفنكـ
واطوي معك صفحة عذابن رسمتهـ
ليتك تموت وداخل القبر انا ادفنكـ
وادفن مع الجثمان جرحن جرحتهـ
ليتك تموت ومحدن درا عنكـ
غير الخفوق الي وفا لك وطعنتهـ
ليتك قبل ماتموت في درك اطعنكـ
واصيح بأعلى صوتي وقول حقي اخذتهـ
يلعنك قلبي والاحاسيس تلعنكـ
يلعنك دمعن صادقن لك نثرتهـ
جننتني ياجعل ربي يجننكـ
لا وحسيف ليلي الي سهرتهـ
منت بكفو قلبن له سنين صانكـ
منت بكفو الي من اجلك فعلتهـ
غدار .. خاين خنت قلبن مأمنكـ
قلبن عطاك الحب وبيدك ذبحتهـ
وش موقفك لو كنت انا اليوم خاينكـ
وش شعورك لو فؤادك غدرتهـ
عند دلال ودانه ....
دانه : يلا دلوول انا لازم امشي الحين
دلال : قعدي شوي دانو
دانه : دلوول والله ماقدر واايد تأخرت
دلال : اوكيك ... وراحت دلال مع دانه توصلها لي سيارتها ..
ودشت دلال بيتهم توها بدش غرفتها ولا تسمع صوت رنا !! استغربت رنا اهني ؟؟؟! وراحت طقت الباب عليها
رنا : ادخل
دلال : قوه .. شلونج رنا ؟ ها عندنا اليوم
رنا : هلا دلوول انتي شلونج ؟
دلال : تمام ... ( دلال لاحظت على رنا انه تعبانه او فيها شي كان شكلها مو طبيعي ) رنا شفيج ؟
رنا : مافيني شي بس شوي تعبانه
دلال : رنا مو علي شفيج ؟ متهاوشه مع خالد !
رنا : امممم اي
دلال : ( اقعدت على السرير يم رنا ) ليش شصاير؟
رنا : ماكو مادري شفيه متغير علينا وكله يصارخ ويبي يتهاوش تعبت تعبت ( قامت تبجي )
دلال : رنا هدي مو بهالطريقة تنحل المشاكل .. انزين يمكن اهو يكون مشغول او يحس بضغط من الشغل !
رنا : ( تبجي )
دلال : رنا صلي على النبي ارتاحي خلاص ولمن تهدين تفاهمي وياه وانشالله تنحل مشاكلكم
رنا : ( تمسح دموعها ) انشالله
دلال : يلا اخليج ترتاحين الحين ( وقامت دلال راحت غرفتها )
عند دانه ... وصلت البيت ودشت لقت امها وابوها واحمد قاعدين يتغدون
دانه : السلام
الكل : وعليكم السلام
ابو دانه : ها يبا شلون الدوام ؟
دانه : تمام ( دانه اطالع الاكل)
ام دانه (حنان) : قعدي تغدي
دانه : اامممم لا مالي خلق ودي اكل بس تعبانه بروح اريح واول ماقوم من النوم اتغدى
ام دانه : على راحتج يما ...
وصعدت دانه غرفتها غسلت وبدلت انسدحت قعدت تنطر عبدالله يدق عليها بس طول واهي كانت حدها دايخه توها بتنام .. شوي ولايدق عبدالله عليها ....
دانه : هلا بحياتي
عبدالله : هلافيج حياتي
دانه : ها وصلت البيت حبيبي
عبدالله : اي وصلت من شوي
دانه : الحمدالله على السلامه
عبدالله : الله يسلمج
دانه كانت حاسه انه عبدالله فيه شي من سلوبه وطريقة كلامه تحس انه متضايق
دانه : حبيبي
عبدالله : عيوني
دانه : فديت عيونك .. حياتي شفيك ؟ احس فيك شي
عبدالله ماكان حاب يشغلها بمشاكله اهم شي كان عنده راحتها ماكان يبي يضايقها بشي ويشغل بالها
عبدالله : لاحبيبي مافيني شي بس يمكن عشان تعبان شوي من الدوام
دانه ( ماكانت مقتنعه بكلامه ) :حبيبي حتى لو كنت تعبان من الدوام والله اعرفك .. تخش علي ؟
عبدالله : ماخش عليج بس قتلج تعبان
دانه : انزين احلف انه مافيك شي
عبدالله : اممم قتلج مافيني شي
دانه : شفت شلون صدتك لوول يلا يلا قول ليش تخش علي حبيبي!
عبدالله : ( تنهد ) شقول شخلي .. حبيبي مابي اتعبج بمشاكلي
دانه : حبيبي لاتقول هالكلام انا راضيه .. واذا ماوقفت وياك بوقف مع منو ؟ يلا حبيبي قول
عبدالله : مريم
دانه ( استغربت ) : شفيها ؟
عبدالله : قال لها كل السالفه من الالف لي الياء .....
بــس هذاا اخر بارت راح انزله لان مافي احد قااعد يرد و انه راح اوقف الروآآيه ويسلموو حباايبي ع الردوود



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كيوتي **
مساعد المدير
مساعد المدير


عدد المساهمات : 148
النقاط : 323
السمعة : 5
تاريخ التسجيل : 08/08/2010
العمر : 19

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   الجمعة أغسطس 27, 2010 10:39 pm

ممتاز يسلموو بليز كملها فجور واللة تهبل بس بعرف اخر شي
عفية يلا

_________________
<P><IMG src=""></P>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*دلوعة من العسل مصنوعة*
**المديرة**
**المديرة**


عدد المساهمات : 303
النقاط : 123968
السمعة : 4
تاريخ التسجيل : 20/05/2010
العمر : 20
الموقع : hadosh.tv-soap.com

مُساهمةموضوع: رد: روآآيه (( تحدينآآ بمحبتنآآ شطآرتكمـ )) روايه كويتيه واقعيه   السبت أغسطس 28, 2010 7:10 pm

يسلموو يسلموو يسلموو يسلموو يسلموو يسلموو يسلموو يسلموو يسلموو بريفكت بريفكت بريفكت

_________________
[url=http://www.redcodevb.com/smiles/] [/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hadosh.tv-soap.com
 
روآآيه (( تحدينآآ بمحبتنآآ شطآرتكمـ )) روايه كويتيه واقعيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رقة دلع  :: القصص والرويات-
انتقل الى: