رقة دلع
نتمنا انكم تنضموا لاسرتنا واهلا وسهلا بيكم معنا


منتدى رقة دلع منتدى مش هتقدر تغمض عنيك
 
الرئيسيةالبوابةالتسجيلاليوميةمكتبة الصورس .و .جبحـثقائمة الاعضاءالمجموعاتدخول
يآآهٍلآ فٍيّكُمْ منٍورٍين
بكل الترحيب نرحب بكم
من اعضاء وعضوآت
يرجى التكرم بـ المُسآهٍمآت
لجٍعل المنتدى افضل وسيتم تكريم الاعضآء
الاكْثر نشآطآآ ومُسآآهمهـ
وشكرآآ

شاطر | 
 

 نهاية الشباب الا يدخلون الشات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
*دلوعة من العسل مصنوعة*
**المديرة**
**المديرة**


عدد المساهمات : 303
النقاط : 123968
السمعة : 4
تاريخ التسجيل : 20/05/2010
العمر : 20
الموقع : hadosh.tv-soap.com

مُساهمةموضوع: نهاية الشباب الا يدخلون الشات   الإثنين ديسمبر 27, 2010 9:42 pm

لسلام عليكم و رحمة الله و بركاته
جراح ويوسف اصدقاء من زمان وتعرفون المواقف والدقات اللي تصير بين الاصدقاء
بس هالمرة الموقف اللي سواه يوسف بجراح
موقف ضيع حياة جراح
خلونا نشوف أحداث هالقصة مع بعض.. ..
**********
جراح كان داخل الشات بنك (( أدور على حب )) والحبيب خاش جو مو طبيعي
وطايح له سوالف مع بنات خلق الله
إتصل عليه صديقه يوسف ودار بينهم هالحوار
جـــراح : ألووو
يوسف : ألووو هلا والله جراحووو
جـــراح : هلا فيك حبيبي .. ها خير آمرني
يوسف : شنو آمرني .. ! تصرفني انت ووجهك
جـــراح : لا والله بعد عمري إنت بس آنا منهمك بالشات قز قز مو طبيعي يويسف وناسة
يوسف : ممم حلو اجل ايش نكك .. ؟
جـــراح : ليش بتدخل علي .. ؟
يوسف : لا والله آنا وين والشات وين خبرك ما قمت أدخل زهقت منه
جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالشات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـــراح : هههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـــراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـــراح : وإنت من أهل الخير
يوسف : باااي
جـــراح : بااايااات
طبعا يوسف مافيه النوم وأصحى مني ومنكم بس أهو مجهز موقف ودقه محترمة حق صاحبه جراح
يوسف دخل الشات ودخل بنك (( أبي واحد يحبني )) يعني منتحل شخصية بنية
وقعد ينطر وينطر وياكل بطاااط و بيبسي
لما دخل عليه نك (( أدور على حب )) لوووووووووول
اللي أهو جراح
جراح المسكين ما يدري عباله بنيه صدق لوووووووووول
ودار بينهم هالحوار
جـــراح : مساء الخير
يوسف : مساء النور ياهلا
جـــراح : شلونك شخبارك
يوسف : الحمدلله زينة .. وإنت شلونك
جـــراح : آنا بخير دامك بخير
يوسف : دوم انشالله مو يوم
جـــراح : تسلمين ما تعرفنا عليك يا حلوة
يوسف : معاك شيماء وإنت .. ؟
جـــراح : عاشت الأسامي .. معاك جراح
يوسف : عاشت أيامك .. الله إسمك يهبل وااايد حلو ستاااااااااايل
جـــراح : تسلمين من ذوقك .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جـــراح : أووو ليش كذا تكسرين فيني .. آنا زعليت خلاص
يوسف : آسفة
جـــراح : لا كلا واحد .. شيماء كم عمرك .. ؟
يوسف : 18 وإنت ؟
جـــراح : 19
يوسف : العمر كله .. الله إنته أكبر مني
جـــراح : طبعا طبعا .. يالله روحي سويلي بيض طماط بسرعة
يوسف : واي حدك واثق
جـــراح : طبعا واثق .. شيومه شلون الشات معاك اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـــراح : تنساني وتروح وحده وحده حتى أستوعب كلامك والجروح
يوسف : واااي ملاقة
جـــراح : شيومة شيومة
يوسف : هلا خير
جـــراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس وااايد .. شكلك ما تحب ولا جربت الحب
جـــراح : لا والله ما صار نصيب وبعدين ماكو اللي تستاهل أحبها
يوسف : إي والله صادق .. بس في بنات شحلاتهم يهبلون وأخلاقهم وايد حلوه
جـــراح : إي شيومة في بس قتلك للحين ما صار نصيب
يوسف : إنت مشالله عليك روحك حلوه تضحك وتونس الله يخليك حق أهلك
جـــراح : صدق .. ؟
يوسف : إي والله صدق .. آنا ما حب أجامل أحد
جـــراح : بعد عمري والله
يوسف : شنو .. ؟
جـــراح : آسف إطلعت عفويه من غير قصد
يوسف : لا عادي
جـــراح : ممم أنا ما أشوفك تضحكين كثير ليش .. ؟
يوسف : إي والله صادق آنا ما أَضحك كثير حياتي تعاسه بتعاسه
جـــراح : أفا ليش .. ؟
يوسف : إنت لما قلتلي بعد عمري آناكثير استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني كأنى خدامه مو بنتهم
جـــراح : كل هذا فيك
يوسف : وأكثر من كذا
جـــراح : تصدقين ودي أسمع منك كثيرد سوالفك ما تنمل بس آنا الحين لازم أروح .. ممكن طلب ..؟
يوسف : تفضل
جـــراح : ميخالف أضيفك عندي بالإيميل هذا إذا ما عندك مانع
يوسف : والله مادري شقولك .. آنا ما أضيف شباب عندي
جـــراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك خوش رجال وآنا بضيفك وإنشالله ما أشوف منك قاصر
جـــراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـــراح : أوكي هذا إيميلي .......... متى تضيفيني .. ؟
يوسف : إنشالله الحين
جـــراح : أوكي آنا طالع الحين تامريني على شي .. ؟
يوسف : سلامتك
جـــراح : أشوفك على خير إنشالله .. مع السلامه
يوسف : الله يسلمك
**********
فلم يوسف مشى على جراح المسكين
وجراح عاش بوهم
ويوسف ما تاب صار يسولف مع جراح كل يوم بالمسنجر
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه كثير
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف
وهالدقه اللي مسويها يوسف تتوقعون كم إستمرت .. ؟
ســـــنـــــة كـــــامـــــلـــــة
يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يصيربكره عشان يسولف مع شيماء
أقصد الوهم
ويوسف الله يسامحه
ميت من الضحك عليه
**********
يوسف قام يحلي اللعبه
صار ما يشبك
وطبعا جراح المسكين قام يحاتي ويرسل إيميلات
ويوسف ميت ضحك
جراح صار واحد ثاني
ما يطلع من بيتهم
كلا قاعد في غرفته
يتخيل صورة شيومه حبيبته
يتخيل سوالفها
دلعها
روحها الحلوه
ويبجي ويبجي
**********
بعد شهرين
شبك يوسف
وجراح طار من الفرحة
قال حق شيوم ليش ما تشبكين .. ؟ وشرح لها شوقه وحنينه
وقاموا يسولفون
جراح ما قدر يصبر
قال لـ شيوم أبي رقمك بكلمك بالتلفون
شيوم إرفضت تدرون ليش .. ؟
لأن صوتها خشن
لوووووووووول
اللي أهو صوت يوسف هالتعبان اللي ما يستحي
فقررت شيوم إنها تواعد جراح
ودار بينهم هالحوار
جـــراح : حياتي يعني الحين شلون ماراح أسمع صوتك .. ؟
يوسف : حياتي لا تزعل روحك كذا .. أنا عندي فكرة
جـــراح : شنو .. ؟
يوسف : شرايك تشوفني .. وبكذا راح ناخذ على بعض أحسن من التلفون بألف مرة
جـــراح : من جدك إنتي .. ؟
يوسف : إي والله من جد
جـــراح : الله وناااااااااااسة
يوسف : وآنا وش ابي غير وناستك يا بعد عمري
جـــراح : حياتي والله .. إطيب شيومتي أي مكان راح أشوفك فيه .. ؟
يوسف : ممم شوف الساعة 9 بليل بالحديقة شرايك
جـــراح : صار بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جـــراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جـــراح : أوكي حياتي صار
جراح طبعا ما يحتاي أوصفلكم شعوره
الأخ المسكين راح الصالون ما خلا شي ما سواه بوجه
سنفرة وتنظيف بشرة وحلق وظبط شغله وكشخ
وراح الحديقه الساعه 5
ينطر الساعه تصير 9 عشان يشوفها
مسكين كل هذا حب .. ؟
قاعد ينطر وينطر
وأخونا الشيطون الثاني يويسف
رايح بازار يشتري دراعة وعباية وشيلة ونقاب
قرب الموعد
يوسف لبس الدراعة وتعطر من عطر حمامهم
ولبس الشيله والنقاب والعبايه
والأخ يعني صايد الحركة
راح كحل عينه
هههههههههههههااااااااااي
صارت الساعة 9 بليل
راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب ناحيتها
وبدأت ساعة الصفر
طبعا يوسف ما خلا عسل ما شربه عشان ينعم الصوت
ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار
جـــراح : هلا
يوسف : اهلين
جـــراح : إنتي شيوووم .. ؟
يوسف : إي آنا ليش ما عرفتني
جـــراح : لا أعرفك بس حبيت أتأكد
يوسف : والحين تأكدت .. ؟
جـــراح : إي بعد عمري تأكدت
يوسف : واااي على الحلو
جـــراح : اسمعيني شيوم آنا أموت فيك أحبك مستعد أذبح روحي عشانك
يوسف : بعد عمري لا تقول تذبح روحك .. بسم الله عليك
جـــراح : حياتي تكفين بكلمك بالتلفون
يوسف : آنا ودي أكلمك بس ماقدر ماقدر
جـــراح : ليش .. ؟
يوسف : تلفوني مافيه رصيد كلش
جـــراح : لا يا عمري آنا راح أتصل عليك مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( غير موجود بالخدمه مؤقتآ))
جـــراح : أوكي خلاص اليوم روحي إشتريلك كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جـــراح : ولا يهمك حياتي دقايق بروح أشتريلك كرت وأرجع
يوسف : لالا مابي أكلف عليك
جـــراح : لا عمري لا كلافة ولا شي و إنتي مني وفيني
راح جراح يشتري كرت لـشيوم
وطبعا الأخ الفاضل يويسف
رفع النقاب
وجه كله عرق
قام يستنشق الهواء
وأهو ميت ضحك
شاف جراح جاى من بعيد
غطا وجه
وصل جراح
ودار بينهم هالحوار
جـــراح : هاك عمري هذا الكرت
يوسف : وي وي بعد عمري مشكور ما قصرت
جـــراح : أفا عليك كم شيومه عندي
يوسف ما قدر يستحمل
فصخ النقاب والشيله
وشوفوا شصار
جـــراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف
*********
شنو تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من صديقه
جراح إنصدم وظل واقف بمكانه ما يتحرك
رجوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح جاه إنهيار عصبي وصار مجنون وبيظل طول عمره بالمستشفى
ظاعت حياة جراح ظاعت
ولو كانت شيماء حقيقة كان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صاريبكي ويبكي ويبكي
وحلف إنه ما يسامح نفسه طول عمره
لكن بعد ايش .......... ؟؟؟

_________________
[url=http://www.redcodevb.com/smiles/] [/url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hadosh.tv-soap.com
 
نهاية الشباب الا يدخلون الشات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رقة دلع  :: القصص والرويات-
انتقل الى: